2-amaliy mashg`ulot

PCI Express shinasi. PCI Express texnologiyasining mohiyati, parallel shinalar o‘rniga, ma’lumotlarni uzatish va qabul qilishni amalga oshiruvchi ko‘p sonli turli xil qurilmalarni, yuqori tezlikka ega ma’lumotlarni ketma-ket tarzda uzatib beruvchi bog‘lanishlar bilan almashtirshdan iboratdir. Bu ISA/EISA/PCI shinalarida amalga oshirilgan shinali topologiyadan, lokal kompyuter tarmoqlarining topologiyasiga, ya’ni kommutatsiyalanadigan Ethernet texnologiyasi topologiyasiga o‘tishni anglatadi. PCI Express, kompyuter tarkibiga kirgan qurilmalar – protsessor, asosiy xotira va ma’lumotlarni kiritish chiqarish qurilmalarini bog‘lovchi, universal kommutator rolini bajaradi. PCI Express ning kofiguratsiyasi 2.4-rasmda keltirilgan. 2.5-rasmda esa PCI Express ning protokollar steki va paketining formati keltirilgan.
USB shinasi. PCI va PCI Express shinalari yuqori tezliklarga ega tashqi qurilmalarni bog‘lash uchun ishlab chiqarilgan. Ma’lumotlarni uzatish tezliklanri nisbatan past bo‘lgan qurilmalar – sichkoncha, klaviatura va printer kabi qurilmalar uchun, PCI va PCI Express shinalaridan foydalanish unchalik to‘g‘ri bo‘lmay qoldi.

2.4-rasm. PCI Express tizimining standart joylashishi.


2.5-rasm. PCI Express ning protokollar steki (a) va paketining formati (b).
USB shinasida ma’lumotlarni uzatish – kompyuter tarmoqlaridagi kabi, kadrlarni almashinish asosida amalga oshiriladi. 2.6-rasmda USB shinasining asosiy konsentratori har bir millisekund oralig‘ida, unga ulangan qurilmalarga uzatib turadigan kadrlari keltirilgan.

2.6-rasm. USB shinasining asosiy konsentratori har bir millisekund oralig‘ida, unga ulangan qurilmalarga uzatib turadigan kadrlari.
USB shinasining konsentratori har bir millisekund oralig‘ida (+ 0,05 ms), yangi kadrni uzatib, unga ulangan barcha qurilmalarni vaqt bo‘yicha sinxronlashni amalga oshirib turadi. Bu bilan USB shina, kurilmalarni qachon ulanishiga qarab, ularni ma’lumotlarni uzatish uchun tayyorlab ham qo‘yadi. USB shinasining USB 1.0 versiyasi 1,5 Mbayt/sek, USB 1.1 versiyasi 12 Mbayt/sek va USB versiyasi esa 480 Mbayt/sek tezlikka ega.