2- soat Mavzu: qog‘oz va karton bilan ishlash. Tabiiy materiallar bilan ishlash

Applikatsiya tushunchasi
. Qog`ozdan applikatsiya tayyorlash 
Applikatsiya tasvirlash texnikasining turli tomonlarini qirqish (ularni fon tarzida qabul 
qilish) va uni materiallar hisobiga mustahkamlashga asoslanuvchi turidir. 
«Applikatsiya» tushunchasi xususiyatlari va faktura materiallariga ko`ra xilma-xil 
bajarilish texnikasining o`xshashligi bilan birlashgan badiiy asarlarni yaratish usullarini o`z ichiga 
oladi. Har bir material applikatsiyasi bajarish texnikasiga jiddiy ta`sir ko`rsatuvchi xususiyatlarga 
ega, masalan, qog`oz, limon daraxtlari po`stloqlari fonga turli yelimlar bilan yopishtiriladi. 
Applikatsiya - badiiy asarlarni yaratishning eng sodda va oson usulidir, bunda tasvirning 
realistik asosi saqlanadi. Bu applikatsiyani faqatgina bezash maqsadlaridagina, ko`rgazmali 
qurollar, turli o`yinlar uchun qo`llanmalar, o`yinchoqlar, bayroqlar, suvenirlar, devoriy gazetalar, 
stendlar, ko`rgazmalar va liboslarni tayyorlashdagina emas, kartina, panno, naqshlarni va shu 
kabilarni yaratishda ham keng qo`llash imkonini beradi. 
Dekorativ applikatsiya - naqsh, gullardan tashkil topib, alohida-alohida tasvirlar (barg, 
qo`ziqorin, shox, qush, mashina, odam, uy va shu kabilar)dan tarkib topuvchi predmetli, hodisa, 
harakatlar uyg`unligini aks ettiruvchi sujetdan iborat bo`lishi mumkin. 
Applikatsiya 2500 yil muqaddam ko`chmanchi xalqlarda paydo bo`lgan. Applikatsiya 
bilan kiyim-bosh, turar joylar bezatilgan. Bu ishni bajarishda ular teri, mo`yna va namatdan 
foydalanishgan. 
Yelim bilan ishlanganda ho`l va quruq latta bo`lishi lozim. Ho`l lattani qo`lga yuqqan 
kleystrni artish uchun, qurug`i yelimlanayotgan tasvirlarning ustidan bosish va ortiqcha kleystrni 
artish uchun ishlatiladi. 
Applikatsiya ishida asosiy material qog`ozdir, dazmollangan va kraxmallangan gazlama 
bo`laklaridan ham foydalanish mumkin. Bu materiallar bilan bir qatorda somon, quritilgan 
o`simlik, urug`, danak va shu kabilardan ham foydalaniladi. 
Applikatsiya ishlari doimo xotirada saqlanish hamda majburiy qoida sifatida bajarilishi lozim 
bo`lgan ma`lum izchillikda ado etiladi. Istalgan applikatsiya sujetni tanlashdan boshlanib, undan 
keyin applikatsiya eskizi, qog`oz tanlash, kerakli detallarni qirqish, ularni fonga qo`yish, yelimlash 
va nihoyat quritish jarayonlari keladi. Oddiy applikatsiyalar eskizsiz bajariladi. 

---