2 -мавзу. Пул маблағларива валюта операциялар иҳисоби

4. Валюта счети бўйича амалга оширилган операцияларни

ҳисобга олиш

Хorijiy valyutadagi pul mablag‘larini va xorijiy valyuta operatsiyalarini har bir korxona amalga oshirishi mumkin. Хorijiy valyuta operatsiyalarini rasmiylashtirish uchun bankda valyuta joriy schyotini ochish kerak. O‘zbekiston Respublikasi Markaziy banki tomonidan xorijiy valyuta operatsiyalarini amalga oshirishga ruxsat (litsenziya) berilgan banklarda valyuta schyoti ochish mumkin. Bunday litsenziya olgan banklarni vakillik banklari deyiladi. O‘zbekiston Respublikasi Markaziy bankining vaqti-vaqti bilan chop etiladigan byulletenida keltirilgan xorijiy valyutalarda schyotlar ochish mumkin.

Хorijiy valyuta mablag‘lari, qiymatliklari va operatsiyalari buxgalteriya hisobida xo‘jalik operatsiyalari sodir bo‘lgan sanaga Markaziy bank kursi bo‘yicha so‘m ekvivalentida aks ettiriladi. Jumladan quyidagilar bo‘yicha: a) kassadagi valyuta mablag‘lari, bankdagi depozit va ssuda schyotlari, akkreditivlar, valyuta ssuda qarzlari; b) xorijiy valyutadagi debitor va kreditor qarzlar; c) tuzilgan shartnomalar bo‘yicha “Yuk boj deklaratsiyasi”ni rasmiylashtirish sanasiga import qilingan tovar-material qiymatliklar va boshqa aktivlarning kirimi; d) bojxona to‘lovlarining amalga oshirilishi; e) xorijiy valyuta ko‘rinishidagi pulli hujjatlar; f) xorijiy valyutadagi qimmatli qog‘ozlar.

Хo‘jalik yurituvchi subyektlar har bir hisobot oyining oxirgi sanasiga balansning valyuta – moddalarini Markaziy bank kursi bo‘yicha qaytadan baholaydi va sodir bo‘lgan kurs farqlari ijobiy bo‘lsa 9540 «Kurs farqlaridan olingan daromadlar» schyotiga, salbiy bo‘lsa - 9620 «Kurs farqlaridan zararlar» schyotiga o‘tkaziladi.

Balansning valyuta moddalariga quyidagilar kiritiladi: a) kassadagi, bankning depozit, ssuda schyotlaridagi, shu jumladan akkreditivlardagi valyuta mablag‘lari; b) xorijiy valyuta ko‘rinishidagi qisqa va uzoq muddatli qimmatli qog‘ozlar; c) xorijiy valyuta ko‘rinishidagi debitor va kreditor qarzlar, kreditlar va qarzlar

4.