2- mavzu: jamoa shartnomalari va jamoa kelishuvlari

Jamoa shartnomalari va jamoa kelishuvlarini tuzish tartibi.

Muzokaralar olib borish tashabbusi bilan chiqish	Har qaysi taraf (ish beruvchi, ish beruvchilar birlashmasi hamda kasaba uyushmalari yoki xodimlarning boshqa vakillik organlari) jamoa shartnomasi, kelishuvini tuzish va o‘zgartirish yuzasidan muzokaralar olib borish tashabbusi bilan chiqishga haqlidir.
Muzokaralar olib borish	Muzokaralar olib borish va jamoa shartnomasi, kelishuvining loyihasini tayyorlash uchun taraflar teng huquqlilik asosida tegishli vakolatlarga ega bo‘lgan vakillardan iborat komissiya tuzadilar.
Loyihani ishlab chiqish va muhokama qilish	Jamoa shartnomasining loyihasi korxonaning bo‘linmalarida xodimlar tomonidan muhokama qilinishi kerak va u bildirilgan fikr va takliflar hisobga olingan holda ishlab takomiliga etkaziladi. Jamoa kelishuvining loyihasi komissiya tomonidan ishlab chiqiladi va kelishuv qatnashchilarining vakolat berilgan vakillari tomonidan imzolanadi.
Loyihani ma’qullash	Ishlab takomiliga etkazilgan loyiha mehnat jamoasining umumiy yig‘ilishi (konferensiyasi) muhokamasiga qo‘yiladi. Jamoa shartnomasi, basharti uni umumiy yig‘ilishda (konferensiyada) ishtirok etayotganlarning ellik foizidan ko‘prog‘i yoqlab ovoz bergan bo‘lsa, ma’qullangan hisoblanadi. Taraflar tomonidan imzolangan jamoa kelishuvi, uning ilovalari etti kunlik muddat ichida kelishuv ishtirokchilariga, shuningdek bildirish ro‘yxatidan o‘tkazish uchun O‘zbekiston Respublikasi Bandlik va mehnat munosabatlari vazirligining tegishli organlariga yuboriladi.