2- мавзу. Гидродинамика

2- Мавзу. Гидродинамика.
Суюқликларнинг труба қувурлари ва каналларда оқиши, харакатга келтирувчи куч, яъни босимлар фарқи таъсирида рўй беради. Ушбу куч насос компрессорлар, айрим холларда суюқликлар зичлиги ёки сатхининг фарқи ёрдамида хосил қилинади.
Маълум миқдордаги суюқликни зарур тезликда узатиш учун босимлар фарқини аниқлаш керак. Ундан ташқари, узатиш учун керакли энергия миқдорини ёки босимлар фарқи маълум бўлса, суюқлик сарфи ва тезлиги топилади. Юқорида кўрсатилганларни амалга ошириш учун гидродинамика қонуниятларини билиш даркор.
Гидродинамикада ташқи ва ички масалалар бўлади. Труба ва каналлар ичидаги суюқликнинг харакати - бу гидродинамиканинг ички масаласидир. Турли жисмлар юзасида суюқликнинг харакати – бу гидродинамиканинг ташқи масаласидир.


Суюқлик харакатининг асосий характеристикалари


Cуюқлик сарфи ва тезлиги. ўзгармас кўндаланг кесимли трубада суюқлик харакатини кўриб чиқамиз.
Вақт бирлигида кўндаланг кесим орқали оқиб ўтаётган суюқлик миқдорига суюқлик сарфи дейилади. Агар суюқлик сарфи м³/с, м³/соат ўлчов бирликларида ўлчанса - хажмий сарф, кг/с, кг/соат ларда ўлчанса - массавий сарф деб хисобланади.
Оқим кўндаланг кесимининг турли нуқталарида суюқлик заррачаларининг тезлиги бир хил бўлмайди.
Труба ўқи атрофида суюқлик тезлиги максимал, унинг деворига яқинлашган сари минимал қийматга тенг бўлади. Лекин, кўпчилик холларда труба кўндаланг кесими орқали оқиб ўтаётган суюқлик тезликларининг тақсимланиш қонуниятлари номаълум ёки уни аниқлаш жуда қийин. Суюқликларнинг хақиқий тезлигини ўлчаш жуда мураккаб бўлгани учун, мухандислик хисоблашларда заррачалар ўртача тезлиги ишлатилади. Суюқлик хажмий сарфи Q (м³/с) нинг труба кўндаланг кесим юзаси F (м² ) нисбатига ўртача тезлик w (м/с) деб номланади:
(9)
Бундан хажмий сарф,
(10)
Массавий сарф G (кг/с) эса, қуйидаги формуладан аниқланади:
(11)
бу ерда  - суюқлик зичлиги, кг/м³
Шуни алохида таъкидлаш керакки, юқорида келтирилган формулалар исталган шаклдаги кўндаланг кесимли каналлар учун хам тўғри келади.