2- ma’ruza: turizmda transport vositalarining infratuzilmasi reja

"ANDIJON" aeroporti. Andijon viloyati O‘zbekiston iqtisodiyotida muhim ahamiyatga ega, rivojlangan mintaqalardan biridir. U Farg‘ona vodiysining sharqiy qismida 4,2ming kv.km joyni egallab, O‘zbekistonning Farg‘ona va Namangan viloyati, Qirg‘izistonning O‘sh va Jalolobod viloyati bilan chegaradosh. Andijon viloyatida 2 million 500 ming aholi istiqomat qiladi. Bu yerda 160ta yirik sanoat, 281ta qishloq xo‘jalik mahsulotlarini qayta ishlash korxonalari hamda 7,0 mingdan ortiq fermer xo‘jaliklari mavjud. Asaka shahrida O‘zbekiston avtomobil sanoati flagmani “O‘zDEUavto” zavodi va Janubiy Koreya bilan bir qator qo‘shma korxonalar, “Yelektroapparat”, vagonta’mirlash, mashinasozlik zavodlari, “Andijon”, “Polvontosh”, “Xo‘jaobod” neft sanoati korxinalari faoliyat ko‘rsatayapti. Yildan-yilga qurilish ishlari hajmi ortib borayapti.

Andijon viloyati iqtosodiyotining yuqori rivojlangani, ishlab chiqarish va kapitalning bir joyda to‘plangani, aholining faolligi respublikamiz boshqa viloyatlari hamda qo‘shni hududlar, Markaziy Osiyo va chet el mamlakatlariga transport aloqalariga, aviatashuvlarga ehtiyojni belgilaydi.

“Andijon” aeroprti "O‘zbekiston havo yo‘llari" milliy aviakompaniyasi tarkibiy qismlaridan biridir. Aerovokzal majmuasi soatiga  250-300 yo‘lovchiga xizmat ko‘rsatish imkoniyatiga ega. Aerport turli rusumdagi havo kemalari – Boing 757-200, Tu-154, RJ-85, IL-114, An-24, Yak-40, An-12,IL-76 yuk kemalari va 3-4 klass samolyotlarinin qabul qiladi.

Andijondan muntazam va buyurtma qatnovlar hamda mahalliy va xalqaro (MDH) yo‘nalishlarda, xususan Moskva, Novosibirsk, Tyumen, Omsk, Toshkentga yuk tashuvlari amalga oshiriladi. 2005-yilning birinchi yarmida 11,5 mingdan ortiq yo‘lovchi tashildi.

Yo‘lovchi va mijozlarga xizmat ko‘rsatish uchun  aeroportda:

- yo‘lovchilar uchun kutish zali;

- tranzit yo‘lovchilar uchun kutish zali;

- xalqaro yo‘nalishlar (MDH) yo‘lovchilari uchun kelish va ketish zali;

- VIP zal;

- ona va bola xonasi;

- tibbiyot punkti;

- valyuta almashtirish punkti;

- bar;

- chegara va bojxona, aviatsiya xavfsizligi xizmatlari mavjud.

Aeroport viloyat markazi, shaharda joylashgan bo‘lib, avtobus va xususiy taksi yo‘lovchilar xizmatida.

“Andijon” aeroporti bosqichma-bosqich zamonaviylashtirish va ta’mirlash reja loyihasiga kiritilgan. Aeroportni yangilash bo‘yicha ishlarning bir qismi amalga oshirildi. Havodagi harakatni boshqarish xizmatining yangi binosi, o‘t o‘chirish deposi, aerovokzal majmuasi intereri ta’mirlanib, yangi VIP zal ochildi, havo kemalariga xizmat ko‘rsatadigan maxsus texnika va transport vositalari olindi. Keyingi bosqichda aeronavigatsiya tizimi va meteorologiya uskunalarini zamonaviylashtirish, HHB dispetcherlari uchun avtomatlashtirilgan ish joylari, eskirgan yorug‘lik signal jihozlarini yangilash hamda HHB ob’ektlarini elektr bilan ta’minlash tizimini, qo‘riqlash xizmati binosi va aerodrom ustki qoplamasini  ta’mirlash ko‘zlangan. Bu parvozlar xavfsizligi ta’minlash hamda yo‘lovchilarga xizmat ko‘rsatish darajasini xalqaro standartlarga yaqinlashtirishga imkoniyat yaratadi.