2- ma’ruza: turizmda transport vositalarining infratuzilmasi reja

Aviakompaniya faoliyatidagi muhim yo‘nalishlar:

• 
  parvozlar xavfsizligini ta’minlash va uning darajasini ko‘tarishga mo‘ljallangan tadbirlarni amalga oshirish;
  
• 
  xalq xo‘jaligining yo‘lovchi, yuk tashuvlariga bo‘lgan talablarini o‘z vaqtida, to‘liq ta’minlash va boshqa aviaxizmatlarni amalga oshirish;
  
• 
  yo‘lovchilarga xizmat ko‘rsatishni xalqaro andozalar darajasiga yetkazish;
  
• 
  aviatransport sohasi faoliyatining iqtisodiy samaradorligini oshirish;
  
• 
  aviatsiya infratuzilmasini rivojlantirish va takomillashtirish;
  
• 
  aviatsiya texnikasini yangilashni davom ettirish;
  
• 
  xalqaro biznesda aviakompaniya o‘rnini mustahkamlash, aviatsiya xizmati yangi bozorida o‘z o‘rniga ega bo‘lish;
  
• 
  yuqori malakali kadrlarni tayyorlash.
  

Uchuvchilar majmuasi. O‘chuvchilar majmuasi (UM) 1992 yil uchuvchilar otryadlari asosida tashkil etilgan. U “O‘zbekiston havo yo‘llari” Milliy aviakompaniyasi tashkiliy tuzilmalaridan biridir.  Hozir UM ichki tizimni moliyalashtirish prinsipi asosida faoliyat ko‘rsatayapti. UM mutaxassislari Amerika, Angliya, Germaniya, Koreya, Rossiya va Fransiyaning fuqaro aviatsiyasi Markazlarida amaliy va nazariy tayyorgarlikdan o‘tishgan. UMning asosiy vazifasi yo‘lovchi va yuk tashuvlarini amalga oshirish, parvozlar ta’minlash,  aviakompaniyaning  ijtimoiy va iqtisodiy foydasini ko‘zlab, aviatsiya xizmatiga bo‘lgan shartnomalarni sifatli ravishda bajarishdir .

Uchuvchilar majmuasi uchuvchilari Boing-767, Boing-757, A-310, RJ-85, Il-114, Il-76, Tu-154, Yak-40 havo kemalarida parvozlarni amalga oshiradilar.   Havo aloqalari bosh agentligi.     Tashuvlarni sotish tizimi va tashkiliy texnik bazani rivojlantirish strategiyasi barcha aviakompaniyalarning ustuvor masalalaridan biri hisoblanadi. "O‘zbekiston havo yo‘llari" Milliy aviakompaniyasida ana shunday masalalarni Havo aloqalari bosh agentligi hal etadi.   

MAK  50 dan ziyod Interlayn-kelishuvlar imzolangan bo‘lib, bu  avvalgi aviayo‘nalishlarni saqlab qolgan holda, yangi qatnovlar ochish hisobiga parvozlar sonini oshirib, butun dunyo bo‘ylab  sotuvlar tarmog‘ini kengaytirish imkonini beradi.

Dunyoning istalgan aviakompaniyasi va istalgan yo‘nalishga chipta  bronlash imkoniyatini beradigan dunyo global bronlash tizimlari bilan o‘zaro hamkorlik qilish ta’minlangan.   To‘lovlarning barcha turlarini amalga oshiruvchi - yo‘lovchlar, boshqa aviakompaniyalar bilan hisob-kitob qiluvchi banklar bilan aloqa o‘rnatilgan. "O'zbekistan Airvays", "Master Kard", "Visa Kard", "Yeuro Kard"ning plastik kartochkalari orqali naqd pulsiz hisob-kitob orqali chipta sotish amaliyoti ham keng qo‘llanadi.

1991 - yil "O‘zbekiston havo yo‘llari" Milliy aviakompaniyasi tarkibida yangi korxona – havodagi harakatni boshqarish markazi "O‘zaeronavigatsiya" tashkil etildi. Bu Fuqaro aviatsiyasini rivojlantirish sohasida O‘zbekiston hududida havodagi harakatni boshqarishning (HHB) yagona tizimini zamonaviylashtirish va rivojlantirishga imkon yaratuvchi  yangi zamon kelganidan dalolat berdi.

Havodagi harakatni muntazamligi va xavfsizligini ta’minlash "O‘zaeronavigatsiya" Markazining ustivor vazifalaridan biri bo‘ldi.

"O‘zaeronavigatsiya" Markazining asosiy vazifasi aeronavigatsiya xizmati bilan ta’minlashning milliy majburiyatlarini amalga oshirish, jumladan:

• 
  tranzit va aerodrom parvozlarni boshqarish ;
  
• 
  aeronavigatsion ma’lumot bilan ta’minlash;
  
• 
  havo aloqalari xavfsizligi, samaradorligi va muntazamligini ta’minlash;
  
• 
  texnika bilan taminlash va  ishlatish masalalarida IKAO talablarini bajarish;
  
• 
  MDH davlatlari havo harakatlarini moslashtirish jarayoni uchun zarur bo‘lgan o‘zaro tadqiqot ishlarini o‘tkazishni tashkil etish;
  
• 
  dasturlar va amaliy tayyorgarlikni unifikasiyalsh, HHB xizmatlari xodimlari malakasini oshirish.