2- ma’ruza: turizmda transport vositalarining infratuzilmasi reja

O‘quv-mashq markazi. "O‘zbekiston havo yo‘llari" Milliy aviakompaniyasida kadrlarni tayyorlash va qayta o‘qitishga e’tiborni bir daqiqaga ham kamaytirmaslik – yuqori ahamiyatga ega qoida mavjud. Bu masalani hal etish,  aviamutaxassislarni IKAO standartlari va tavsiyalariga to‘liq ravishda  tayyorlash O‘quv-mashq markazi zimmasiga yuklangan.  Aviaxodimlarni o‘qitish jarayonida kompyuterda o‘qitish dasturlari, kasbiy ko‘nikmalarni mustahkamlovchi va amaliy ish tajribasiga ega bo‘lish imkoniyatini yaratuvchi mashq trenajyorlaridan foydalaniladi.

“Ketring” davlat unitar korxonasi (DUK).      “Ketring” DUK tashkil etilishi tarixi, 1991 yilda Toshkent aeroporti restorani asosida sotuv-ishlab chiqarish firmasi tashkil etilib, so‘ngra uni 1994 yilda “O‘zbekiston havo yo‘llari” Milliy aviakompaniyasining “Ketring” xizmatiga aylantirishdan boshlangan. 

DUK “Kerting”  “O‘zbekiston havo yo‘llari” Milliy aviakompaniyasining yirik tashkiliy tizilmalaridan biri bo‘lib, bu erda 500dan ortiq yuqori malakali mutaxassislar xizmat qiladi. Korxona maxsus zamonaviy uskunalar bilan jihozlangan tezkor-dispetcher bo‘limi, issiq va sovuq ovqat, konditer sexi va boshqa xizmatlarni o‘z ichiga olgan.

“Ketring”  “Gabriel”, “Sita”, AFTN kabi xalqaro aloqa tizimlariga ulanganligi sababli yo‘lovchilar buyurtmalari to‘g‘risidagi ma’lumotni tez olish imkoniyatiga ega.

Shuning uchun “Ketring” Toshkentdan parvoz qilayotgan hamda dunyoning turli burchaklaridan kelayotgan transit yo‘lovchilar talablarini qondirishga har doim tayyor.

Korxona 1000 kishilik bort ozuqasini tayyorlash salohiyatiga ega bo‘lib, vakolatxonalari “Toshkent” aeroporti hududida joylashgan boshqa aviakompaniyalar samolyotlarini issiq - sovuq ovqat, turli ichimliklar va ho‘l meva bilan ta’minlaydi. Birinchi va biznes klas yo‘lovchilari hohishlariga binoan xalqaro texnologiyalar va ratsioniga kiritilgan mol go‘shti, baliq va parranda go‘shtidan tayyorlangan ovqatga buyurtma berishlari mumkin. Ovqat turlari har o‘n besh kunda o‘zgartiriladi.  Tortilayotgan garnirda ko‘katlarning xilma-xilligi, kishmish, yong‘oq, bargak ko‘pligi “osmon” oshxonasiga o‘zbekona ruh beradi. Faqat  “O‘zbekiston havo yo‘llari” Milliy aviakompaniyasi yo‘nalishlarida “Ketring” sexlarida tayyorlangan kulcha va somsalardan tatib ko‘rish mumkin.

Ovqat tayyorlanilayotgan vaqtda yo‘lovchilar didi va ular nimani xush ko‘rishlari hisobga olinadi. Yo‘lovchilar soni, o‘simlik va oziq-ovqatni tannavul qiladigan kishilar soni to‘g‘risidagi ma’lumot tezkor-dispetcherlik bo‘limiga kelganidan so‘ng  sexlarga buyurtmalar yuboriladi.

Har bir qatnovga tayyorgarlik samolyot parvozidan bir necha soat avval boshlanadi.  

Uzoq davom etadigan qatnovlarda kuchli ovqat beriladi.

DUK “Ketring” boshqa aviakompaniyalarga bort ozuqasini yetkazib berishga shartnomalar tuzadi. Hozirda “Ural aviayo‘nalishlari”, “Domodedovo”,  Sankt-Peterburgning “Pulkovo”, Moskvaning “Aeroflot”, Novosibirskning “Sibir”  davlat aviakorxonalari hamda “Krasnoyarsk” va “Kuban” havo yo‘llari bilan ana shunday shartnomalar tuzilgan.

“Ketring” tizimiga rasmiy delegatlar va transfer yo‘lovchilarni kutib olish zallari ham kiradi.

“Ketring” – bu “O‘zbekiston havo yo‘llari” Milliy aviakompaniyasi va boshqa aviakompaniyalar yo‘lovchilariga yuqori sifatli va turli xil ovqat yetkazib berishga kafolatdir.

“O‘zaviatexta’minot” moddiy-texnika ta’minoti majmuasi. “O‘zaviatexta’minot” MTTM – "O‘zbekiston havo yo‘llari" Milliy aviakompaniyasining tashkiliy tizilmalaridan biri bo‘lib, moddiy-texnika bilan ta’minlovchi korxona sifatida 1938- yildan beri faoilyat ko‘rsatadi. U O‘zbekiston  Milliy aviakompaniyasining barcha tashkiliy tizilmalarini moddiy-texnika bilan ta’minlaydi.