2- kurs III semestr

Kislorod ingalyatsiyasi (oksigenoterapiya)
Natija: yurak-o’pka reanimatsiyasi, og’ir operatsiyalardan keyin, o’tkir yoki surunkali nafas olish yetishmovchiligida qonni kislorod bilan ta’minlashni yaxshilaydi.
Ko’rsatmalar: nafas olish , yurak ishlashi funktsiyalarining buzilishi, og’ir holatlar.
Tayyorgarlik: kasalxona sharoitida odatda statsionar qurilmasi va bir marta ishlatiladigan tayyor steril sistemalardan foydalaniladi; sistema bo’lmaganda , kislorodli ballon yoki kislorodli yostiq ishlatiladi; Bobrov apparati, namlangan doka salfetkalar, burun kateteri (mundshtuk, niqob), vazelin moyi.
Bemorning holati: bosh tomoni ko’tarilganholda o’rinda yotib.
Bajarilishi:

1. 
   Jixozlarni tayyorlang, kislorodli ballonning texnik ekspluatatsiyasi qoidalari, xavfsizlik texnikasi qoidalari bilan tanishib chiqing.
   
2. 
   Bemorning nafas yo’llari tozaligiga (balg’am,qusuq massalari, shilimshiq yo’qligi) ishonch xosil qiling.
   
3. 
   Kateter uchini vazelin moyi bilan arting va katetr kiritish lozim bo’lgan masofani aniqlang (kateter uzunligi burun uchidan quloq yumshog’igacha bo’lgan masofaga teng).
   
4. 
   Kateterni pastki burun yo’li orqali orqa halqum bo’shlig’iga kiriting (halqum tekshirilganda kateter uchi ko’rinib turishi kerak).
   
5. 
   Kateterni bemorning yuziga yopishqoq plastir bilan maxkamlab qoying.
   
6. 
   Kateterni dozimetr yoki Bobrov apparatiga ulang, niqobdan ham foydalanish mumkin.
   
7. 
   Bemorga reduktor manometri boyicha 1-2 atm bosim ostida 2-4 d\min tezligida 10-30 daqiqa davomida interval bilan yoki to’xtovsiz kislorod bering . Kislorodli yostiqni ishlatish oksigenoterapiyaning samarali uslubi hisoblanmaydi, chunki u kislorod kelishini davolashga imkon bermaydi.
   
8. 
   Bemordan qulay joylashganligi haqida so’rang.
   
9. 
   Muolaja tugagandan so’ng kateterni chiqarib oling, yuqumsizlantiring, shilimshiqdan tozalang, sterillashni amalga oshiring.
   
10. 
    Qo’lingizni yuving.