2- kurs III semestr

Mavzu: Muammoli masala misolida hamshiralik jarayonini yuritish (ob'ekt: me'da va 12 barmoqli ichak yara kasalligi bilan og’rigan bemor).
Reja:

1. 
   Ma'lumot yig’ish va taxlil
   
2. 
   Parvarish muammosini aniqlash
   
3. 
   Parvarish rejasini tuzish
   
4. 
   Reja bo'yicha parvarishni amalga oshirish
   
5. 
   Natijani baholash
   

Muommali masala asosida hamshira jarayonini yuritish
Bemor Sh.M. 58 yoshda, erkak kishi.
2007 yil 5mart kuni soat 16.00 atrofida shifohonaga "Kofe quyqasi'" ga o’xshash qusuq bo’lganligi uchun qolgan. Bemorda quyidagi shikoyatlar bor: epigastral sohada qo’proq kechasi "och qorin" holatida bezovta qiladigan og’riq. Uning ovqatlangandan so’ng 2-3 soatga yo’qolishi va yana boshlanishi aniqlandi.
Qusuq moddasining rangidan havotirda, davolanish kerakligi haqida o’ylayapti. "Kofe quyqasi" ga o’xshash qusgandan so’ng og’riq to’xtagan, ammo bemorda umumiy bo’shashlik (lanjliq) boshlangan, boshi aylangan.
Kasallikning dastlabki belgilari 4 yil oldin boshlangan. Bemor bir yil oldin gastroenterologik bo’limda eroziya gastriti bilan davolangan. Kasallikning oxirgi qaytalanishi bundan bir hafta oldin asab-ruhiy zo’riqishga bog’lanmoqda. Uyda nosh-pa, ronitidin ichgan. Yoshligida qizamiq, suvchechak bilan kasallangan.
Ob'ektiv tekshirishlarda: teri va shilliq qavatlar oqargan. Tilni oq qarash qoplagan, nam holda. Puls daqiqasiga 88 marotaba, arterial bosim 105/60 mm sim ust. ga teng. Qorin palpatsiya qilinganda yumshoq, epigastral sohada sezilarli holda qorin muskullari taranglashgan.
Qon tahlili: eritrositlar 4,5 x 1012 g/l, Hb - 103 g/l.
Xotini bilan birga qishloq ho’jaligi bilan shug’ullanadi. Xotini 48 yoshda, 5 ta farzandi bo’lib, ularning 3 tasi qiz, 2 tasi o’g’il. Kichkina qizidan tashqari barcha farzandlari oilali bo’lib alohida yashaydi. Uch kishi bo’lib alohida yashaydi. Qizi maktabda dars beradi. Bemorning xotini yuragi yomonligi sababli tez charchaydi, ho’jalikdagi ishlarni to’la bajara olmaydi. Sigaret chekadi. 1 kunda 40 dona. Oilaning iqtisodiy ahvoli uncha yahshi emas, juda oddiy hayot kechiradilar. Daromadlar ham hayot kechirish uchun zo’rg’a yetadi. Oziq-ovqat bilan qiyinchiliq yo’q, chunki oilaning o’z xo’jaligi bor. Bo’yi 180 sm, vazni 60 kg.
Asosiy davolash vositatari:
1. Kalsiy xlorid eritmasi 10% - 10,0 v/i.
2. Vikasol eritmasi 1% - 1,0 m/o.
3. Aminokapronat eritmasi 5% - 200,0 v/i tomchilab.
Shifoqor tashhisi: me'da yara kasalligi, qon ketish.