2- kurs III semestr

Natijalarni baholash:
Guruhni aniqlashda 4 ta asosiy reaksiyalar bo’lishi mumkin. Bironta xam standart zardoblarda agglyutinatsiya sodir bo’lmasa qon 1-guruh- O (I).
Agar agglyutinatsiya I (ab) va III (a) zardoblarda bo’lsa, qon 2-guruh A (II).
Agar agglyutinatsiya I (ab) va II (b) zardoblarda bo’lsa qon 3-guruh B (III).
Agar uchchala zardoblarda agglyutinatsiya sodir bo’lsa, bunday qon albatta AV (IV) guruh standart zardoblari bilan qo’shimcha tekshirilishi kerak. Shu tomchida agglyutinatsiya yo’qligigina qonning 4 guruh-, AB (IV) ga mansubligini tasdiqlaydi.
Ekspress usul bilan rezus omilni aniqlash
Likopchaga 3 ta zardob "Antirezus-zardob" va "nazorat zardob" yozuvlari tagiga 1-2 tomchi reaktivlar tomiziladi. Ikkala aniqlanayotgan qon tomiziladi. Buning uchun bemor panjasidan olingan qondan yoki probirka tubidagi eritrotsit qoldig’idan foydalaniladi. Agar barmoqdan olinsa shu xajmdagi zardob qo’shiladi.
Qon zardob bilan quruq shisha tayoqcha yordamida aralashtiriladi. 5 daqiqa agglyutinatsiya reaksiyasi bo’lishini kutamiz. Soxta agglyutinatsiyani aniqlash uchun xar 3-4 daqiqada xar bir tomchiga 5-6 tomchidan 0,9% li natriy xlorid qo’shiladi.
Tekshirish natijalari.
Antirezus zardobda eritrositlar agglyutinatsiyasi sodir bo’lsa, demak qon rezus - (musbat) (Rh⁺). Agglyutinatsiya sodir bo’lmasa rezusi - (manfiy) (Rh^-) Nazorat zardobda agglyutinatsiya bo’lmasligi kerak. Agar agglyutinatsiya sodir bo’lsa zardob yaroqsiz hisoblanadi. Qon guruhini va Rh omili aniqlangan natijalarni hamshira tekshiruv o’tkazayotgan vrachga ko’rsatishi, kasallik tarixiga yozishi va o’z imzosini qo’yishi shart,
Qon quyish: gemotranfuziyadan oldin bo’lishi mumkin bo’lgan asoratlarni oldini olish uchun.

1. 
   Bemor qoni va flakondagi qonni qaysi guruhga taalluqligini aniqlash.
   
2. 
   Flakondagi qon bilan kasallik tarixidagi yozuvlarni solishtirish.
   
3. 
   AVO sistema bo’yicha mutanosiblik sinamasi, guruhlari va Rh-faktori aniqlanadi.