2 – amaliy mashg’ulot mavzusi: Tana harorati, puls, qon bosim, nafas olish Reja

Tana harorati va ko‘ngil aynishi
Ba’zi hollarda tana harorati oshishi natijasida ko‘ngil aynishi kelib chiqadi. Issiqlik oqibatida umumiy holsizlik kelib chiqadi, qon bosimi tushadi, bosh aylanadi va aynan shular yengil ko‘ngil aynishini chaqiradi. Agar tana harorati 39 °C​ dan yuqori ko‘rsatkichda bo‘lsa, uni tushirish kerak. Bunday holat grippning birinchi kunlarida kuzatilishi mumkin va bu kuchli intoksikatsiya bilan tushuntiriladi.
Homiladorlik vaqtida tana harorati oshishi va ko‘ngil aynishiga sabab – toksikozdir. Ammo, bunda tana harorati subfebril ko‘rsatkichdan oshmaydi (38 °C​ dan past).
Agar tana harorati oshishi va ko‘ngil aynishiga boshqa simptomlar qo‘shilsa (og‘riq, diareya, ich qotishi), faqatgina haroratni normallashtirish kifoya qilmaydi. Bunday holat oshqozon ichak tizimidagi jiddiy muammolardan xabar beradi. Ularga quyidagilar kiradi:

• 
  Virusli gepatit va jigarning boshqa kasalliklari;
  
• 
  O‘tkir appenditsit;
  
• 
  Peritonit;
  
• 
  Buyraklar yallig‘lanishi;
  
• 
  O‘tkir pankreatit;
  
• 
  Ichak tutilishi;
  

Bundan tashqari tana harorati oshishi va ko‘ngil aynishi organizmning zaharlanishida ham kuzatiladi, alkogol, sifatsiz mahsulotlar yeganda va dori preparatlari bilan zaharlanganda. Bunday ko‘rinishdagi simptomatikaning eng og‘ir shakli – meningitda namoyon bo‘ladi. Yuqoridagi barcha holatlarda shifokor maslahatlarini olish tavsiya etiladi. Agar bolalarda tana harorati oshishi va qayt qilish ham kuzatilsa, statsionar sharoitda yo‘qotilgan suyuqlik o‘rnini to‘ldirish talab etiladi.