2- amaliy mashg‘ulot (2-soat) Mavzu: Jismoniy mashqlar Reja

Maktabgacha yoshdagi bolalarning jismoniy sifatlarini rivojlantirish

Bolalarning harakatli faoliyati ularda asosiy jismoniy sifatlarni rivojlantirish bilan bog‘liqdir. Bunga chaqqonlik, epchillik, kuchlilik, matonat singari sifatlar kiradi. Amalda mazkur sifatlarning hech birini alohida olib rivojlantirishni tasavvur qilish ham mumkin emas. Turli jismoniy sifatlarni tarbiyalash aslida bolaning jismoniy jihatdan har tomonlama rivojlanishidek yagona jarayonning turli tomonlaridir. Chunki bunday rivojlanish natijasida organizmning miqdoriy imkoniyatlarida umumiy yuksalish sodir bо‘ladi.

Lekin baribir yuqorida sanab о‘tilgan jismoniy sifatlarning har birini tarbiyalashning о‘ziga xos xususiyatlari mavjuddir.