2- амалий машғулотнинг мавзуси: Ўзбекистон Республикаси Фавқулодда вазиятлар Давлат тизимининг фвдт тузилиши, вазифалари, куч ва воситалари

2- амалий машғулотнинг мавзуси:


Ўзбекистон Республикаси Фавқулодда вазиятлар Давлат тизимининг ФВДТ тузилиши, вазифалари, куч ва воситалари


РЕЖА:
1. ФВДТ республика даражасидаги бошқариш органининг тузилиши ва вазифалари.
2. ФВДТ маҳаллий даражадаги бошқарув органларининг вазифалари.
3. ФВДТ объект даражасидаги бошқариш органларининг вазифалари

Ўзбекистон Республиксида аҳоли ва ҳудудларни хавфсизлигини таъминлаш борасида асосий муаммоларни ҳал этиш, давлат бошқарув органларини фавқулодда вазиятларда ҳаракат қилишни мувофиқлаштириш мақсадида Вазирлар Махкамасининг 1997 йил 23 декабрдаги 558-сонли қарорига биноан, Ўзбекистон Республикаси фавқулодда вазиятларда уларни олдини олиш ва ҳаракатлар қилиш давлат тизими (ФВДТ) ташкил этилди.

Фавқулодда вазиятларда уларнинг олдини олиш ва ҳаракат қилиш давлат тизимининг яратилиш моҳияти республикамиз худудларида содир бўлиши мумкин бўлган табиий ва техноген хусусиятли фавқулодда вазиятларнинг содир бўлиш эҳтимоли юқори эканлигидадир. Ҳар қанча олди олинишига қарамасдан, фавқулодда вазиятлар содир бўлиб турар экан, уларни бартараф этиш учун маълум куч ва воситалар зарур бўлади.
Фавқулодда вазиятлар оқибатларини бартараф этишда содир бўлган фавқулодда вазиятнинг тури, хусусиятига мувофиқ махсус кучлар жалб қилинади. Бундай вазиятларда фавқулодда вазиятнинг вақти, қамраб олган ҳудуди, аҳоли пункти ва бошқа хусусиятларига алоҳида эътибор берилиб зудлик билан ишга киришилади.
Ўзбекистон Республикасининг 2011 йил 24 августдаги “” Фавқулодда вазиятларда уларнинг олдини олиш ва ҳаракат қилиш давлат тизимини янада такомиллаш тўғрисидаги” қарорида – Фавқулодда вазиятларда уларни олдини олиш ва ҳаракат қилиш давлат тизимининг янги вазифалари белгиланган.
Ўзбекистон Республикаси ФВДТ тузилиши: ҳудудий, функционал ва информацион-бошқарув кичик тизимларидан иборат бўлиб, республика маҳаллий, объект миқёсида учта даражада бўлади.