1983-жыллардыӊ мектеп питкергенине 20 жыл толыӯ МҮНӘсебети менен шѳлкемлестирилген «ушырасыӯ кешеси»

ЖЕТКЕР: (ЭМОЦИЯӉЫЗ БЕНЕН ОҚЫӉ, ТӘСИРЛИ ҚЫЛЫП )
Гүл жүзиӊиз, кѳзлериӊиз нур еди-
Ҳәммемизди улым, қызым дер еди,
Биймезгил, сум әжел шақырмағанда,
Устаз Лиза апа бүгин жүр еди!

Устазымыз Лиза апаны 1 минут үнсиз, ҳүрмет сақлап еске аламыз!

ЛОЛА:
Балаларыӊ бүгин сәлем жолласын,
Қартаймаӊ сиз, ғайратыӊыз талмасын,
Ҳадал мийнетиӊиз тәӊири қолласын,
Пидайы, жанкүйер Мәрияш устазым!

(Мәрияш устазға саӯға бериледи)

ЖЕТКЕР:
Надан болма, адам бол деп ескерттиӊ,
Тәрбияшы устазы болалдыӊ кѳптиӊ,
Мийнетиӊ жемиси, тѳрлерге ѳттиӊ-
Алғысымыз шексиз Сарыгүл апа!
(Сарыгүл устазға саӯғасы бериледи)
ЛОЛА:
Таза жазыӯ, оқыӯды да үйретип,
Ғумшаларды ѳсирдиӊиз гүл етип-
Қанша қосық арнасам аз жыр етип-
Биринши устазым Сәнемхан апа!
(Сәнемхан апаныӊ саӯғасы бериледи)

ЖЕТКЕР:

Әлипбени таныттыӊыз ес қылып,

Үйреттиӊиз китап пенен дос болып-
Иширдиӊиз мийрим суӯын теӊ бѳлип
Нурлы қәлб ийеси Базархан апа!

(Базархан устаздыӊ саӯғасы тапсырылады)

ЛОЛА:
Ендиги нәӯбетте мектебимиздиӊ баслаӯыш класс оқыӯшыларына арналған саӯғамызды тапсырамыз!

Сизлер палапанлар, жас нәӯшелерсиз,

Ертеӊниӊ ийеси, келешек сизлер,
Сизлерди қоллайды ӯатан,
Қоллаймыз бизлер,
Кәмил инсан болыӊ сиз балажанлар!


ЖЕТКЕР:
Бийик келешек бар, сизди шақырар
Үлкен имкәниятлар сизди күтеди.
Жарқын келешекке талпыныӊ мудам
Сизлерди қоллайды ӯатан,
Қоллаймыз бизлер,
Кәмил инсан болыӊ жан балажанлар!

ЛОЛА:
Жеткер достым, баслаӯыш класс муғаллимлеримизге деген шексиз миннетдаршылығымызды билдирдик, усы орында мектепти питкергенге шекем бизлерге басшылық еткен класбасшыларымызға рахметлеримизди айтсақ!
Класс саатлары – тәрбия ӯақты,
Жыллы сѳзиӊизден кеӯлимиз жақты-
Сиздей устазы бар, шәкирттиӊ бахты
Күлип турған класс басшым Бийбихан апа!
(Бийбихан устаздыӊ саӯғасы тапсырылады)

ЖЕТКЕР:

Тәртипсизлик қылсақ балалық етип,

Сыр бермей, күлимлеп кеттиӊ кеширип-
«Сабаққа кириӯши болмаӊ кешигип»-
Дегениӊ ядымда Гүлбахар устаз!

(Гүлбахар устаздыӊ саӯғасы тапсырылады)

ЛОЛА:
Кәсибине пидайы ол, жанашыр-
Сабыры беккем екенлиги емес сыр,
Алтын басыӊ алдымызда аман жүр-
Әдиӯли устазым Гүлбазар апа!
(Гүлбазар устаздыӊ саӯғасы тапсырылады)

ЖЕТКЕР:

ЖЕТКЕР:

Ҳүрметли мийманлар, устазларым! Усыныӊ менен 20 ЖЫЛЛЫҚ УШЫРАСЫӮ КЕШЕмизди жуӯмақлаймыз!

ЛОЛА:
БӘРЩЕӉИЗДИ УШЫРАСЫӮ КЕШЕМИЗГЕ АРНАП ЖАЙЫЛАТУҒЫН ДӘСТУРХАНЫМЫЗДЫӉ СЫЙЛЫ ҚОНАҒЫ БОЛЫӮҒА МИРӘТ ЕТЕМИЗ!