18-маъруза адаптив автоматик бошқариш тизимлар

ВУ маълумотларидан фойдаланиб, ижрочи қурилма ИУ бошқарувчи қурилма УУ пааметрларини созлайди.
Ўзи ташкил этувчи тизимларда берилган сифат кўрсаткичлари бўйича тизимнинг ўзи автоматик қидириш йўли билан (махсус хисоблаш қурилмаси-анализатордан фойдаланиб) бир нечта мумкин бўлган тузилмалардан сифат кўрсаткичининг экстремал қийматини таъминловчисини танлаб олади. Бундай тизимларда тузилманинг ўзгариши узлуксиз ёки даврий амалга оширилиши мумкин.
Ўзи ташкил этувчи тизимни лойиҳалашда, тизим тузилмасини алоҳида элементлардан (ғиштлардан) автоматик йиғиш имконияти мўлжалланган. Улар тизимнинг сифат мезонига олдиндан киритилган экстемумни таъминлайди.
Ўзи ўқитувчи тизимларда бошвариш тузилмаси ва алгоритми тўпланган тажриба асосида аста секин такомиллашади, яъни тизимлар “ўқийди”. Фойдаланишнинг бошланғич даврида (ишлаб чиқарилгандан сўнг) улар амалда ишлашга умуман мослашмаган, аммо кейин аста-секин олдига қўйилган масалаларни ечишни “ўрганадилар”. Бундай тизимларда бошланишда қандайдир тасодифий бошқариш алгоритми ва ҳар қандай тасодифий тузилмадан фойдаланилади. Агар тизимнинг ушбу варианти масалани еча олмаса, унда тизим қайтадан тузилади ва бошқа ишлаш вариантини танлайди ва ҳ.к. Қачонки, навбатдаги тузилма варианти ёки алгоритм қўцилган масаланинг ечимига олиб келса, у хотирасида сақлаб қолади. Келажакда, агар тизим олдида шу каби ёки ўхшаш масалани ечиш зарурати бўлганда, тизим тузилма ёки алгоритмни шу вариантидан фойдаланади. Агар ўқитиш жараёнида тизимга қўшимча маълумотлар киритилса, унда тизим ўқитувчи томонидан ўқитилади дейилади. Ўқитувчи деб, унинг физикавий табиатидан қатъий назар ташқи маълумотларнинг ҳар қандай манбаига айтилади. САУ ўқитувчиси инсон ёки бошқа САУ бўлиши мумкин. Агарда тизим ишлаш жараёнида ўзининг ишлаб туришини фақатгина ишчи маълумотлар тахлили асосида яхшиласа, у ўқитувчисиз ўқимоқда дейилади, яъни ўзи ўқимоқда. Ўзи ўқийдиган тизимлар-энг такомиллашган ва ҳаммасидан кўра мураккаб автоматик бошқариш тизимлари.