17 мавзу Қўшимча маърузалар (мустақил тайёрланишда ёрдам учун)

Қишлоқ хўжалик фитопатологияси Сабзавот экинларининг касалликлари

• КАРАМНИНГ КУЛРАНГ ЧИРИШИ
• Касалликни Botrytis cinerea дейтеромицет замбуруғи қўзғатади. Кулранг чириш омборхоналарда карамнинг энг кенг тарқалган ва энг зарарли касалликларидан бири ҳисобланади. Замбуруғ кўп экин турларини зарарлайди. Қўзғатувчининг белгилари ва касаллик ҳақидаги маълумотлар “Помидор касалликлари” маърузасида келтирилган. Ўзбекистонда касаллик карамда омборхоналарда кўп тарқалган.

Қишлоқ хўжалик фитопатологияси Сабзавот экинларининг касалликлари

• КАРАМНИНГ КУЛРАНГ ЧИРИШИ
• Ёмғирли мавсумларда карам далада (одатда мавсум сўнгида), бошқа ҳолларда омборхоналарда зарарланади. Уларнинг усти мицелий, конидиофора ва конидиялардан ташкил топган майин, момиқ, кулранг моғор билан қопланади, шилимшиқланади ва карам бош чирийди, кейинчалик тўқималарида қора склероцийлар ривожланади. Улар 2-3 йилгача ҳаётчанлигин сақлайди ва инфекция манбаи бўлиб хизмат қилади. Қўзғатувчи конидиялари ва мицелий воситасида бошқа, соғлом карам бошларига осон тарқалади.

Қишлоқ хўжалик фитопатологияси Сабзавот экинларининг касалликлари

• КАРАМНИНГ КУЛРАНГ ЧИРИШИ
• Чириш ривожланиши даврида, устки барглар олиб ташланишидан кейин касаллик карам бошининг энг устки куртагини заралайди, натижада карамнинг энг сифатли уруғ олиш учун хизмат қиладиган қимматли куртаги йўқотилади. Далада замбуруғ ўсимлик қолдиқларида ҳам сақланиши мумкин.

Қишлоқ хўжалик фитопатологияси Сабзавот экинларининг касалликлари

• КАРАМНИНГ КУЛРАНГ ЧИРИШИ
• КУРАШ ЧОРАЛАРИ
• Чидамли навларни қўллаш; алмашлаб экиш; омборхоналарни дезинфекциялаш; қишда сақлаш учун соғлом карам бошларини қўйиш; тавсия қилинган ҳарорат ва намликни таъминлаш; касаллик бошланаётганида бўр кукунини пуркаш; зарарланган карамларни юлиб олиб, чиқариб, йўқотиш; уруғлик учун соғлом карам бошларини танлаш ва уларни далага эртароқ муддатларда экиш; ўсимлик қолдиқларини даладан чиқариб, йўқотиш тавсия қилинади.