17-lekciya Operacion sistemadaǵı virtual yad

Virtual yad koncepciyası.
Virtual yad termini belgili bir processordıń tiykarǵı (haqıyqıy, fizikalıq) yad kóleminen úlkenlew yad maydanınan múrájáát qılıw qábileti menen baylanıslı.
Programmanı ámelge asırıwda programmanıń barlıq buyrıqlar hám maǵlıwmatlar tiykarǵı yadta saqlanadı, sebebi tiykarǵı yadta bolmaǵan buyrıqlar hám maǵlıwmatlarǵa múrájáát qılıw múmkin emes. Sol sebepli, programma múrájáát etiwi múmkin bolǵan ulıwma yad maydanı tiykarǵı yad kólemi, yaǵnıy apparat menen sheklengen. Biraq, tiykarǵı yad kólemin esapqa almaǵan halda programmanı dúziw jáne de qolay boladı. Virtual yad koncepciyasınıń mánisi sonnan ibarat, ámelge asırılıp atırǵan programma (wazıypa, process) múrájáát etken mánziller tiykarǵı yadta bolǵan mánzillerden ajralıp turadı. Ámelge asırılǵan programmanıń siltemeleri (havolalari) virtual (logikalıq) mánziller dep ataladı hám tiykarǵı yadta bolǵan mánziller haqıyqıy yamasa fizikalıq dep ataladı. Ámelge asırilatuǵın programma múrájáát etiwi múmkin bolǵan virtual mánziller aralıǵı bul programmanıń virtual mánziller maydanı dep ataladı. Arnawlı bir processor tárepinen anıqlanǵan tiykarǵı yadta bolǵan fizikalıq mánziller aralıǵı bul processordiń fizikalıq mánzilleri maydanı dep ataladı. Programma ushın bir virtual mánzil maydanı jaratıladı - virtual (logikalıq) yad, ol jaǵdayda tiykarǵı yad kóleminiń fizikalıq sheklewi odan jasırıladı, yaǵnıy, isletiletuǵın yad kólemine sheklewler joq ekenligi menen óz basımshalıq menen mánzillewdiń kórinisi jaratıladı, bul bolsa programmalastırıwdı sezilerli dárejede ańsatlastıradı.
Programmalar virtual yadqa (virtual mánzillerge) múrájáát qılsa-da, processor tiykarınan haqıyqıy yad menen islewi kerek. Sol sebepli, virtual mánziller programmasın ámelge asırıwda Real (fizikalıq) aylantırılıwı kerek hám bul tezde ámelge asırılıwı kerek, sebebi keri jaǵdayda sistemanıń islewi qabıl etiliwi múmkin bolmaǵan dárejelerge azayadı hám sol sebepli virtual yad koncepciyasın támiyinlew ushın derlik hesh qanday artıqmashılıqlarǵa iye bolmaydı. Fizikalıq hám virtual mánziller ortasındaǵı jazıwmalar apparat hám operacion sistema menen birgelikte ornatıladı hám bul programmist ushın áshkara (kórinbes) ámelge asıriladı.
Virtual hám fizikalıq mánziller ortasında muwapıqlıqtı ornatıw ushın ámelde programma dawamında mánzillerdi konvertaciya qılıwdı támiyinleytuǵın DAT mánzillerin dinamikalıq túrde aylandırıw mexanizmi qollanıladı. Bul mexanizm tómendegi qásiyetlerge iye (11.1-súwret): virtual mánzil maydanınıń qońsılas mánzilleri fizikalıq yadqa baylanıslı bolmawi kerek. Bul qásiyet jasalma jaqınlıq dep ataladı. Bul fizikalıq yaddıń bólekleniwin saplastırıwǵa múmkinshilik beredi.