Марказий Осиё мамлакатлари билан қардошлик алоқалари
Марказий Осиё давлатлари раҳбарлари 1991 йил 13-15-август кунлари Тошкент шаҳрида учрашдилар. Ундаги энг муҳим ҳужжат - Ўрта Осиё ва Қозоғистон Республикалараро маслаҳат Кенгашини тузиш тўғрисида битим имзоланди;
1991 йил 13 декабрда Ашгабадда Марказий Осиё давлат бошлиқларининг учрашуви бўлиб ўтди. Учрашувда Тажан-Серахс йўл қурилиши бўйича битим имзоланди. Уни Ўзбекистон, Қозоғистон, Қирғизистон ва Туркманистон Президентлари имзоладилар;
1993 йилнинг 4 январида И.Каримов ташаббуси билан Марказий Осиё давлатлари раҳбарларининг Тошкент учрашуви ташкил этилди. Учрашувда Марказий Осиё Ҳамдўстлигига асос солинди. Беш давлат раҳбарлари ҳамдўстлик ҳақидаги битимга имзо чекишди;
1993 йил 26 мартда Қизил Ўрдада Марказий Осиё давлат бошлиқларининг Россия давлат делегацияси иштирокида биринчи анжумани бўлиб ўтди. 1993 йил 28 июлда Алматида Қозғистон ва Ўзбекистон ўртасида 1994-2000 йилларда иқтисодий интеграцияни чуқурлаштириш чора-тадбирлари тўғрисида битим имзоланди;
1998 йил 5-6 январда Ашгабадда Туркманистон, Ўзбекистон, Қозоғистон, Қирғизистон, Тожикистон Президентларининг учрашуви бўлиб ўтди. Бешала давлатнинг миллий манфаатларига, минтақадаги хавфсизлик ва барқарорликка мос келадиган дўстона, тенг ҳуқуқли ва ўзаро фойдали муносабатларни чуқурлаштиришга содиқ эканлиги тасдиқланди.
2008 йилда ташқи иқтисодий алоқалар ривожи
2008 йилда Ўзбекистоннинг ташқи савдо айланмаси 21,4 фоизга ошди;
2008 йили товарлар ва хизматлар экспорти 28,7 фоизга ортди. 2008 йилда умумий экспорт ҳажмида хомашё бўлмаган товарларнинг улуши 71 фоиздан зиёдни ташкил этди. Айни вақтда Ўзбекистон учун анъанавий экспорт хомашёси бўлган пахта толасининг бу борадаги улуши 2003 йилдаги 20 фоиздан 2008 йилда 12 фоизга тушди;
Мамлакатимизда таркибий ўзгаришларни изчил амалга ошириш учун қулай инвестиция муҳити яратилган;
2008 йилда иқтисодиётни ривожлантириш учун барча молиявий манбалар ҳисобидан 6,4 миллиард АҚШ доллари миқдорида инвестиция жалб этилди. Ўзлаштирилган барча инвестицияларнинг 50 фоизга яқини ишлаб чиқаришни модернизация қилиш ва техник қайта жиҳозлашга йўналтирилган;
2008 йилда 1 миллиард 700 миллион АҚШ доллари миқдоридаги хорижий инвестициялар ўзлаштирилди;
Бу кўрсаткич 2008 йил 2007 йилдагига нисбатан 46 фоиз кўп демакдир. Хорижий инвестицияларнинг 74 фоизини тўғридан-тўғри инвестициялар ташкил этди.