16-laboratoriya ishi

Cisco ASA Modellari

Cisco ASA 5510 - masofadan turib ishlashni hisobga oladigan kichik va o'rta biznes korxonalar uchun mukammal model, bu iqtisodiy jihatdan xavfsiz yechim hamdir. Barcha xavfsizlik xizmatlarini onlayn boshqarish platformasi orqali boshqarish mumkin. Cisco 5510-da siz kutgan yuqori samarali firewall va tarmoq xavfsizligi yechimlari mavjud. Xavfsizlik xizmatlari moduli buzilishning oldini olish imkoniyatlarini to'liq boshqarish imkoniyatini beradi va mustahkam antivirus xizmatini bajaradi. Biznes kelajakda kengayishini inobatga olgan holda himoya qilish mexanizmlarini sinflarga ajratadi, shuning uchun Cisco ASA 5510 kompaniyaga kerak bo'lganda funksiyalarni kengaytirishga imkon beradi.
Cisco ASA 5525-X - Cisco SecureX freymidan foydalangan holda, ushbu model xavfsizligi yanada murakkab tarmoqqa ega bo'lgan o'rta kompaniyalar uchun juda mos keladi. SecureX texnologiyasi Cisco taqdim etadigan xavfsizlik yechimlarining eng so'nggi versiyasidir.

17-LABORATORIYA ISHI MAVZU: PPTP, L2F, L2TP VA IPSEC PROTOKOLLARINI TADQIQ QILISH

Ishdan maqsad: Kanal sathini himoyalash protokollarini sozlash bo`yicha amaliy ko`nikmalarga ega bo`lish.

Nazariy ma’lumot

1994 yilda Internet arxitektura kengashi (IAB) "Internet arxitekturasi xavfsizligi" nomli hisobot tayyorlangan. Bu xisobotda asosan ruxsatsiz monitoringdan, paketlarni soxtalashdan va ma’lumotlar oqimini boshqarishdan himoya qilish usullariga bagishlangan. Natijada, xavfsiz protokollar uchun standartlar paydo bo‘ldi, shu jumladan IPsec.
Dastlab u hujjatlarda (RFC1825, 1826 i 1827) tavsiflangan uchta asosiy spesifikatsiyani o‘z ichiga olgan, ammo keyinchalik ularni IETF IP -havfsizlik ishchi guruhi qayta ko‘rib chiqdi va ular hali qo‘llanilayotgan yangi standartlarni taklif qildi (RFC 2401 - RFC 2412).
Ipsec (Internet protocol security) bu xavfsizlik protokollari hamda shifrlash algoritmlaridan foydalangan holda tarmoq orqali xavfsiz ma’lumot almashish imkonini beradi. Bu maxsus standart orqali tarmoqdagi kompyuterlarning o‘zaro aloqasida dastur va ma’lumotlar hamda qurilmaviy vositalar bir-biriga mos kelishini ta’minlaydi.
Ipsec protokoli tarmoq orqali uzatilayotgan axborotning sirliligini, ya’ni faqatgina yubo-ruvchi va qabul qiluvchiga tushunarli bo‘lishini, axborotning sofligini hamda paketlarni autentifikatsiyalashni amalga oshiradi. Zamonaviy axborot texnologiyalarni qo‘llash har bir tashkilotning rivojlanishi uchun zaruriy vosita bo‘lib qoldi, Ipsec protokoli esa aynan quyidagilar uchun samarali himoyani ta’minlaydi:

• 
  bosh ofis va filiallarni global tarmoq bilan bog‘laganda;
  
• 
  uzoq masofadan turib, korxonani internet orqali boshqarishda;
  
• 
  homiylar bilan bog‘langan tarmoqni himoyalashda; elektron tijoratning xavfsizlik darajasini yuksaltirishda.
  

IPSec ma`lumotlarni VPN (Virtual Private Network) tarmog`ida autentifikatsiya va kodlashtirish uchun protokollar to`plami hisoblanadi.