16-§. Differensial tenglama yechimining parametrlarga va boshlang’ich shartlarga bog’liqligi

16-§. Differensial tenglama yechimining parametrlarga va boshlang’ich shartlarga bog’liqligi.

Biror fizik jarayonni tavsiflovchi differensial tenglama parametrlarga (jumladan massa, elastiklik koeffitsiyentlari va hakoza fizik kattaliklar) bog’liq bo’ladi. Bu parametrlarning qiymatlarini real masalalarda aniq o’lchamini hisoblashning imkoni yo’q, odatda taqribiy hisoblanadi. Ma’lum jarayonni tavsiflovchi differensial tenglamani keltirib chiqarish jarayonida ham xatolikka yo’l qo’yiladi.

Shuning uchun differensial tenglama real jarayonni tavsiflashi uchun, uning yechimi parametrlarga uzluksiz ravishda bog’liq bo’lishi kerak, ya’ni parametrlarning kichik o’zgarishiga differensial tenglamaning yechimi ham mos ravishda kichik o’zgarishi lozim.