15-маъруза. Сервер ва ишчи станцияларни вазифалари, улардаги амалий дастурларни мажмуаси. Соғлиқни сақлашда қўлланадиган компьютер тизимлари

15-маъруза. Сервер ва ишчи станцияларни вазифалари, улардаги амалий дастурларни мажмуаси. Соғлиқни сақлашда қўлланадиган компьютер тизимлари.

Режа:

1. 
   Сервер ва ишчи стациялар.
   
2. 
   Соғлиқни сақлашда қўлланадиган компьютер тизимлари.
   

15.1. Сервер ва ишчи стациялар.

Сервер ҳақида маълумот Тармоққа уланган, доимий ишлайдиган ва тармоқнинг турли хизматларини бажарадиган компютерга СЕРВЕР дейилади.
Сервер тармоқдаги маълумотларни сақлайди, тармоқнинг бошқа нуқталарига узатади ва асосий хизмати – фойдаланувчиларни интернетга улайди. Айни мана шу хизматларни бажарадиган ташкилотни – провайдер деб аташади. Уларнинг серверлари интернетга кириҳс дарвозалари ҳисобланади.
Сервер процессорлари.
Бундан ташқари сервер сўзи қуйидагича шаклларда ҳам ишлатилади.
Ажратилган сервер. Йирик компаниялар кўпгина компютерларга эга бўлишади. Ташкилотнинг барча тармоқ хизматларини бошқариш учун алоҳида компютер ажратилиб, унга махсус дастурлар ўрнатилади, интернетга доимий ҳолда уланади ва уни ажратилган сервер деб аташади. Бу сервер орқали барча компютерлар интернетга чиқа олишади.
Виртуал сервер. Кеча-ю кундуз интернетга уланган компютерни ишлатиш оддий фойдаланувчига қимматга тушади. Шунинг учун улар бошқа сервернинг хотирасидан бўш жойни ижарага олишади ва виртуал серверга эга бўлишади. Бу худди ўзингизнинг интернетда ваколат хонангизга ўхшагандай. Албатта, фойдаланувчи жисмоний сервер билан фойдаланиш ҳуқуқига эга бўлмайди, лекин тармоқ орқали виртуал серверга кириб, керакли маълумотларни ёзиб қўйиши мумкин. Кейин тармоққа киритилган маълумотларни бошқа фойдаланувчилар кеча-ю кундуз ўқиши мумкин.
Одатда, бундай хизматни провайдерлар кўрсатади ва уни “xosting” (инглизча - ҳостинг) деб аташади.
Сервердаги хостинг хизматлари икки хил бўлади: пулли ва бепул. Пулли хостинг хизматларга бой ва тез ишлайди, бепулида эса хизмат турлари кам, ишлаш тезлиги паст ва сайтингизда ўзгаларнинг рекламалари пайдо бўлиб туради. Ўрганишга бепул хостинг бўлаверади, лекин жиддий лойиҳалар учун пулли серверлар зарур.