13-мавзу: туризм индустрияси ва инфратузилмаси маъруза машғулоти режаси

13-МАВЗУ: ТУРИЗМ ИНДУСТРИЯСИ ВА ИНФРАТУЗИЛМАСИ


МАЪРУЗА МАШҒУЛОТИ РЕЖАСИ:

13.1. Туризм индустрияси ва туризм инфратузилмаси тушунчаларининг моҳияти

13.2. Туроператорлар ва турагентлар фаолияти
13.3. Ўзбекистонда туризм инфратузилмасини ривожлантириш чора-тадбирлари

Таянч сўз ва иборалар: туризм индустрияси, туризм инфратузилмаси, таркибий қисми, туроператорлар ва турагентлар фаолияти


13.1. Туризм индустрияси ва туризм инфратузилмаси тушунчаларининг моҳияти
Бугунги кунда «туризм индустрияси» тушунчасининг кўплаб таърифлари мавжуд бўлиб, бундай таърифлардан энг ишончли ва мукаммалроқларидан бири Бирлашган МиллатларТашкилотининг 1971 йилда ўтказилган савдо ва тараққиётга бағишланган анжуманида берилган эди¹. Ушбу анжуманда эътироф этилганидек, туризм индустрияси туристлар эҳтиёжини қондириш учун туристик маҳсулотлар яратишга йўналтирилган барча туристик ташкилотларнинг турли фаолиятлар йиғиндисидан иборат.
Кейинги йиллар давомида ушбу таърифнинг мазмун ва моҳиятини аниқлаш ҳамда туризм индустриясининг таркибий қисмларини тавсифлаш йўлида кўплаб тадқиқотлар бўлди. Аммо бунга қўл урган тадқиқотчи ва амалиётчилар турли қийинчилик, тўсиқларга дуч келдилар. Бундай қийинчиликларнинг юзага келишига асосий сабаб туризм индустриясининг иқтисодиётнинг бошқа соҳалари билан чамбарчас боғлиқлигидадир. Туризмнинг кенг даражадаги эҳтиёжини қондиришда саноат ва қишлоқ хўжалиги, қурилиш ва савдо соҳалари ягона, алоҳида бир тузилмалар сифатида иштирок этадилар. Шу сабабли, туризм индустриясини бошқа соҳалардан к эскин чэгаралаш ўта мушкул масаладир.
Туризм индустрияси – бу меҳмонхоналар ва жойлаштириш воситалари, транспорт воситалари, умумий овқатланиш объектлари, кўнгил очиш объектлари ва воситалари, даволаш, соғломлаштириш, спортга доир, диний-маросимчилик, ишбилармонликка ва бошқа мақсадларга молик воситалар, туризм операторлари ва туризм агентлигини амалга оширувчи, шунингдек, туризм инфратузилма ташкилотлари мажмуидан иборат бўлади.
Туризм инфратузилмаси тушунчаси- туристик фаолиятни амалга оширишда туристларнинг туристик ресурсларидан бемалол фойдаланишини таъминловчи бино ва иншоатлар тизими, мухандислик ва коммуникация тармоқлари, шу жумладан йўллар, туризмнинг турли хизмат кўрсатиш корхоналари ва уларни керакли даражада ишлатиш ва таъминлаш тушунилади.