13 mavzu. Mintaqaviy va xalqaro tashkilotlar bilan hamkorlik hamda Markaziy Osiyoda mintaqasida barqarorlikni mustahkamlashda O’zbekistonning o’rni

O‘zbekistonning yirik xalqaro tashkilotlar bilan aloqalari
O‘zbekistonning yirik xalqaro va mintaqaviy tashkilotlar bilan aloqalari uning ko‘p tomonlama diplomatiyasining muhim yo‘nalishlariga aylandi. Xalqaro tashkilotlar bilan aloqalar sharoitida O‘zbekiston BMT va uning ixtisoslashgan muassasalari bilan hamkorlikka katta ahamiyat beradi.
O‘zbekiston BMTning 1992 yil 2-martdagi Bosh assambleyasining 46-sessiyasida unga a’zo bo‘lib kirdi. Respublika poytaxtida BMTning vakolatxonasi, tashkilotning Nyu-Yorkdagi bosh qarorgohida esa mamlakatimiz vakolatxonasi ochildi.

BMT doirasida O‘zbekiston turli xalqaro va mintaqaviy muammolarni muhokama qilish va hal etishda faol ishtirok etadi. Xususan, Prezident I.A.Karimov BMT Bosh assambleyasi 48 (1993 yil, sentyabr), 50 (1995 yil, oktyabr), 55-sessiyalarida (2000 yil, sentyabr), tashkilotning "Mingyillik rivojlanish maqsadlari" sammitida (2010 y.) Markaziy Osiyoning xavfsizlik va ekologik inqiroz kabi dolzarb muammolariga e’tibor qaratdi. O‘zbekiston rahbarining tashabbusi bilan BMT Afg‘oniston va Markaziy Osiyoning xavfsizlik masalalarini tinch yo‘l bilan hal qilishga qaratilgan bir qator qarorlar qabul qildi. 1993 yilda O‘zbekiston Prezidenti I.A.Karimov BMT Bosh assambleyasining 48-sessiyasida so‘zga chiqib, Markaziy Osiyoni yadrosiz zona deb e’lon qilishni taklif qildi. Ushbu taklif Qozog‘iston, Qirg‘iziston, Turkmaniston, Tojikiston va boshqa mamlakatlar tomonidan to‘liq qo‘llab-quvvatlandi.

• BMT doirasida O‘zbekiston turli xalqaro va mintaqaviy muammolarni muhokama qilish va hal etishda faol ishtirok etadi. Xususan, Prezident I.A.Karimov BMT Bosh assambleyasi 48 (1993 yil, sentyabr), 50 (1995 yil, oktyabr), 55-sessiyalarida (2000 yil, sentyabr), tashkilotning "Mingyillik rivojlanish maqsadlari" sammitida (2010 y.) Markaziy Osiyoning xavfsizlik va ekologik inqiroz kabi dolzarb muammolariga e’tibor qaratdi. O‘zbekiston rahbarining tashabbusi bilan BMT Afg‘oniston va Markaziy Osiyoning xavfsizlik masalalarini tinch yo‘l bilan hal qilishga qaratilgan bir qator qarorlar qabul qildi. 1993 yilda O‘zbekiston Prezidenti I.A.Karimov BMT Bosh assambleyasining 48-sessiyasida so‘zga chiqib, Markaziy Osiyoni yadrosiz zona deb e’lon qilishni taklif qildi. Ushbu taklif Qozog‘iston, Qirg‘iziston, Turkmaniston, Tojikiston va boshqa mamlakatlar tomonidan to‘liq qo‘llab-quvvatlandi.