13 Ma’ruza. Rezervuarlar va rezervuarlar qurilmalari Rezervuar park

Har bir rezervuar parkiga rezervuarlarni ekspluatatsiya qilish bo’yicha, har bir rezervuarni ko’rsatib, texnologik xarita tuzilgan bo’lishi kerak:

• 
  rezervuar turi, pontonning (suzuvchi tom) borligi;
  
• 
  texnologik sxemaga ko’ra rezervuar raqami;
  
• 
  rezervuarning yuqori burchagigacha haqiqiy balandligi, m;
  
• 
  rezervuar ko’pik generatorining ulanish joyigacha haqiqiy balandligi, m;
  
• 
  neft mahsulotining maksimal yo’l qo’yiladigan balandligi, m;
  
• 
  neft mahsulotining o’rtacha yo’l qo’yiladigan balandligi, m;
  
• 
  neft mahsulotining avariya holati balandligi, m;
  
• 
  rezervuarga neft mahsulotini quyishning maksimal yo’l qo’yilgan tezligi, m³/s;
  
• 
  rezervuardan neft mahsulotini to’kishning maksimal yo’l qo’yilgan tezligi, m³/s;
  
• 
  rezervuarning geometrik sig’imi, m³;
  
• 
  havo o’tkazuvchi klapanning o’tkazuvchanlik qobiliyati, m³/s;
  
• 
  gidravlik klapanning o’tkazuvchanlik qobiliyati, m³/s;
  
• 
  havo o’tkazuvchi klapanlarning turlari va miqdori;
  
• 
  predoxranitelli klapanlarning turlari va miqdori;
  
• 
  olovdan saqlagichlarning (predoxranitellarning) turlari va soni;
  
• 
  sathni o’lchash va nazorat qilish vositalari;
  
• 
  haroratni o’lchash va nazorat qilish vositalari;
  
• 
  neft mahsuloti massasini o’lchash vositalari.
  

Texnologik xarita, tezkor ishlarning bajarilishini amalga oshirayotgan va ularning to’g’ri bajarilishi uchun javob beradigan xodimning ish joyida bo’lishi kerak.
Antikorroziyali himoya. Neft va neft mahsulotlari saqlanadigan rezervuarlarni korroziyadan himoya qilish quyidagi talablardan kelib chiqqan holda bajarilishi kerak: Rezervuarlarning konstruktiv xususiyatlari, ularni ekspluatatsiya qilish sharoitlari va talab qilinadigan xizmat muddatlarini hisobga olgan holda “ishchi chizmalar” tahlil qilinadi.
Rezervuarni ekspluatatsiya qilish jarayonida uning tashqi va ichki tomoni korroziyaga uchraydi.
Rezervuarlarni ichki korroziyadan saqlash uchun lok-bo’yoq qoplamalardan foydalaniladi.
Rezervuarlarning ichki sirtini lok-bo’yoq qoplamalari bilan korroziyadan saqlashning texnologik jarayoni quyidagi ishlarni o’z ichiga oladi:

• 
  tayyorgarlik ishlari;
  
• 
  rezervuarning ichki yuzasini bo’yashga tayyorlash;
  
• 
  lok-bo’yoq materiallari bilan rezervuar ichki yuzasini bo’yash va uni quritish;
  
• 
  bajarilgan ish sifatini nazorat etish;
  
• 
  texnologik teshiklarni to’ldirish va ularni bo’yash.
  

Himoya qoplamalari tanlanganida muhitning rezervuar ichidagi metall konstruksiya elementlariga va uning, ochiq havo ostidagi tashqi yuzasiga agressiv ta’sir darajasini hisobga olish zarur.
Agressiv muhitlar uchun lok-bo’yoq qoplamalarining quyidagi tizimlari qo’llaniladi:

• 
  VL-08 tuproq, emal EP-56;
  
• 
  EP-00-10 shpatlevka, emal EP-773; emal EP-5116.
  

Rezervuarlarni, neft bazalarining rezervuar parklarini qurishda, sinashda, tashxis qilishda, ta’mirlashda, tozalashda, korroziyadan himoyalashda, yong’indan saqlashda zarur bo’lgan asosiy hujjatlar ro’yxati ilovada keltiriladi.