13-маъруза. Чақиқ тош ишаб чиқариш технологияси. Чақиқ тошга қўйиладиган техник талаблар. Чақиқ тошни бойитиш

Расм-7.1.Майдалагичларнинг схемалари

натижада халқанинг эни тўхтовсиз ўзгаришида тош майдаланади.

Нисбатан паст мустаҳкамликка эга тошларни майдалашда, кўпинча валкли майдалагичлар ишлатилади, у иккита силлиқ цилиндлар (валклар) дан ташкил топади ва бир-бирига қарама-қарши айланади (расм-7.1, в).
Тошни сўнги майдалаш ишларида болғали майдалагичлар (расм-7.1, г) ишлатилади.
Ўтказилган тадқиқотлар шуни кўрсатадики, юқорида келтирилган майдалагичларни қўллашда бошқа турдаги майдалагичларга нисбатан кубсимон шаклдаги доналар кўп миқдорда чиқади, пластинкасимон ва нинасимон доналар эса кам чиқади.
Жағли майдалагичга тушаётган тошнинг ўлчами - а=0,85·b дан ошмаслиги керак, бу ерда: b-майдалагичнинг юклаш юзасининг эни.
Энг катта жағли майдалагичнинг юклаш юзаси 1500×2100 мм бўлиб, формулага кўра чўмич сиғими 4 м³ бўлган экскаваторда қайта ишланувчи тошни майдалаш мумкин.
Майдалагичларнинг маҳсулдорлиги уларнинг технологик характеристикаси (паспорти)да берилади. У аниқ тоғ жинсининг тури ва қабул қилган майдалаш шароитига мос келади.
Шу сабабли ишлаб чиқаришнинг конкрет шароитида тўғирловчи коэффициентлар киритилади.
Жағли ва конусли майдалагичларнинг ҳисобий маҳсулдорлиги (т/соат):

(7.2)
Бу ерда: Q_п-майдалагичнинг паспорт бўйича маҳсулдорлиги, м³/соат;
ρ_у.з. –майдаланаётган материалнинг уйма зичлиги, т/м³;
R_май.-материални майдалашда тўғирловчи коэффициент: майдалашда сиқилишдаги мустаҳкамлиги-250 МПа тоғ жинси учун қабул қиламиз- R_{май =}0,8; 200-250 МПа - R_май=0,85; 180-200 МПа -R_май=0,9; 150-180 МПа- R_май=0,95; 60-150МПа - R_май=1; 60МПа дан кам учун -R_май=1,2.
R_ш.- тоғ жинсларини қайта ишлашдаги шакл коэффициенти-R_ш=1;
R_йир.-майдалагични юклаш тирқиши энининг ярмидан катта фракцияларни ҳисобга олувчи коэффициент -R_йир.= 0,9-1,1;
R_нам.- материал намлигиниинобатгаолувчи коэффициент, агар материал намлиги 5-11 % бўлса,R_нам.=1,0-0,65 қабул қилинади.
Оддий майдалаш – навларга ажратиш комплексининг схемаси расм-3.24 да келтирилган бўлиб, майдалашнинг битта босқичи бажарилади. Бироқ майдалаш корхоналарида 2,3 ва ундан ортиқ босқичлар бажарилади.
Майдалаш босқичлари сони тошнинг берилган майдалаш даражасига боғлиқ-i =а₁/а₂ (а₁-тушган тошнинг энг катта йириклиги; а₂- буюртма бўйича маҳсулотнинг энг катта йириклиги).
Агар, масалан тушган тош материалнинг энг катта бўлаги-1200 мм бўлса, чақиқ тошнинг энг катта донаси-20мм бўлса, у ҳолда i =60.
Майдалагичларнинг чиқиш тирқишини тартибга солиш мумкин, бироқ ҳар бир босқичда юқори даражали майдалашда майдалагичнинг ишлаб чиқариш маҳсулдорлиги камайишига ва эскиришини тезлашишига олиб келади. Жағли ва конусли майдалагичларда майдалашнинг даражаси 3-5 га тенг.

Майдалашнинг умумий даражаси: i
= i₁ i₂....... i_п