13-маьруза органик иссиқлик изоляцияси материаллари. Табиий органик хом ашё асосидаги материаллар. Полимер асосидаги материаллар. Энергия ва ресурс тежамкор, экологик тоза технологиялар. Хоссалари ва ишлатилиши

Қурилишбоп намат ҳайвон жунидан узунлиги 1000-2000 мм, эни 500-2000 мм ва қалинлиги 12 мм тўғри бурчакли бир эн мато кўринишида ишлаб чиқарилади. Наматнинг зичлиги 150 кг/м³, иссиқлик ўтказувчанлиги 0,06 Вт/(м^.0С) атрофида бўлади.
Наматни чиришдан сақлаш мақсадида антисептик моддалар билан ишлов берилади. Намат девор ва шиплар, дераза ва эшик қутилари ва бошқаларни иссиқлик изоляцияси учун ишлатилади.

3. 
   Полимер асосида тайёрланган материаллар
   

Ҳозирги даврда иссиқлик изоляцияси материаллари термопластик (поливинилхлорид, полиуретан, полистирол, полиметилметакрилат) ва термореактив (карбамид-формалдегид, фенол-формалдегид ва бошқ.) полимерлар асосида таркибига газ ёки кўпик ҳосил қилувчи компонентлар, пигментлар, қотирувчилар, пластификаторлар ва модификаторлар киритиб тайёрланмоқда.
Энергиясамарали полимер материаллари. Тураржой – коммунал хўжалигида (ТКХ) энергиятежамкор чора-тадбирлар кўрилиши энергия сарфини 70% гача тежайди. Ушбу чора-тадбирларга фасадлар, эшик ва дераза тирқишлари, поллар, балконлар ва трубопроводларни полимерлар асосидаги материаллар билан иссиқлик изоляцияловчи қопламалар барпо этилади.
Масалан, бир метр қалинликдаги ғишт девор билан 20 см қалинликдаги пенополистирол қатлам бир хил энергиятежамкор ҳисобланади. Поливинилхлорид асосида тайёрланган трубопровод ва бошқа буюмлар хизмат муддати 50 йилни ташкил этади, металл трубопроводлар эса 15 йилга чидайди.
Ячейкали пластмассалар. Иссиқлик изоляцияси материаллари структураси жиҳатидан кўпикпластлар ва поропластларга (газопластларга) бўлинади. Кўпикпластлар пластмасса таркибига кўпик киритилгани учун ўзаро туташмаган ёпиқ ғоваклар ва юпқа деворлардан ташкил топгандир. Поропластлар эса пластмасса таркибида ҳосил қилинган газ ташқарига чиқиб кетиш ҳисобига ўзаро туташган ғоваклар билан характерланади. Пластмасса таркибида кўпик ва газ ҳосил қилиниши натижасида аралаш структурали буюмлар олиш мумкин.
Ячейкали пластмассаларда ғоваклар 90-98% ташкил этади. Шунинг учун уларнинг ўртача зичлиги жуда кичик, иссиқ ўтказувчанлик коэффициенти 0,026-0,058 Вт/(м^.0С) атрофида бўлади.
Бикр ва ярим бикр ячейкали пластмассалар етарли даражада мустаҳкам, эластик ва эгилувчан бўлади. Улар сувга, кучсиз кимёвий муҳитларга чидамли, биологик шароитларга бардошли бўлади.
Ячейкали пластмассаларнинг иссиқликка бардошлилиги чегараланганлиги (100-150⁰С), кўпчилик турларининг ёнувчанлиги ва узоқ муддатли ҳарорат таъсирида хоссаларининг ёмонлашиши (термик деструкция) уларнинг камчилиги ҳисобланади. Ячейкали пластмассаларнинг ишлатиш ҳароратини ошириш, долзарб масалалардан саналади.Қалинлиги 5-6 см ли кўпикпластлар 14-16 см қалинликдаги минерал пахта ёки ячейкали бетонлар сингари иссиқлик изоляцияси кўрсаткичига эга бўлади. Ячейкали пластмассалар асосида тайёрланган уч қатламли панелларнинг 1 м² массаси 20-50 кг камаяди.
Кўпикпласт ва поропластларни қирқиш, кесиш ва бетон, асбоцемент, металл, ёғоч, қоғоз юзаларга елимлаш осон.
Ячейкали пластмассалар плита, қобиқ, ярим цилиндр кўринишида девор, том қоплама, қувурлар, саноат ускуналари ва бошқа конструкцияларни иссиқлик изоляцияси учун ишлатилади.