|
18.3.Andijon mexanika zavodi faoliyatini boshqarish
Andijon mexanika zavodi “O’ztemiryo’lmashta’mir” unitar korxonasining tarkibiga kirib, uning sho’’ba korxonasi hisoblanadi.
Andijon mexanika zavodi 1987 yilda tashkil qilingan bo’lib bitta korxonaga birlashgan ikkita zavoddan tashkil topgan. Umumiy maydoni 36.5 ga ni tashkil etadi. Shundan 7.66 ga Andijon shaxrida va 28.84 ga Paxtaobod filialida.
Zavodning bosh binosi Andijon shahrida joylashgan bo’lib yopiq vagonlarni ta’mirlash uchun yog’och materiallarni qayta ishlash, ehtiyot qismlar, nostandart jixozlarni ishlab chiqarishga yo’naltirilgan majmuaviy ishlab chiqarish va xalq iste’moli tovarlarini ishlab chiqarish bo’linmalaridan iborat.
Zavodning tuzilmaviy bo’limlari quyidagicha:
1-mexanika yig’uv stexi;
2-mexanika yig’uv stexi;
temir presslash stexi;
yog’och qayta ishlash stexi;
yordamchi bo’linmalari, ya’ni isitish bo’limi, kompressor stexi, transport uchastkasi, mexanika-ta’mir uchastkasi, ishlab chiqarishni tayyorlash guruhi, elektriklar guruhi va qurilish-ta’mirlash uchastkalari mavjud.
Andijon mexanika zavodining tarkibidagi ikkinchi zavod Paxtaobod filiali hisoblanadi. Uning tarkibiga:
1-vagon ta’mir stexi;
2-vagon ta’mir stexi;
g’ildirak-rolik stexi;
avtonazorat punkti;
zarbli-tortish qurilmalari va aravachalarni ta’mirlash stexi kiradi. Shuningdek filialda suvoqchilik uchastkasi, mexanik-tayyorlash uchastkasi ham mavjud.
Filialning yordamchi bo’limlari:
-isitish xonasi, kompressor bo’limi, transport bo’limi, mexanik-ta’mir uchastkasi, elektriklar guruhi va ta’mirlash-qurilish uchastkalari.
Zavod faoliyatini temir yo’l tarkiblari uchun butlovchi detallar, ehtiyot qismlarni ishlab chiqarishni o’zlashtirish bilan boshlagan.
1988 yildan boshlab yuvaish mashinalari, g’ildirak juftliklari detallari, vagon yuvish mashinalaini tayyorlashni, shuningdek vagon deposi uchun detallarni, yuk vagonlari uzellari ta’mirlash uchun nostandart jixozlarni tayyorlashni o’zlashtirdi.
1990 yildan boshlab zavodda vagonlar va lokomotivlar uchun ko’tarish mexanizmlari(domkratlar, skatapod’emnik)ni tayyorlash boshlandi.
O’zbekiston mustaqillikka erishganidan so’ng “O’zbekiston temir yo’llari” DATKning yuk vagonlarini ta’mirlashga bo’lgan talabini qondirish maqsadida yuk vagonlarini tiklash va ta’mirlash ishlarini bajarish zaruriyati paydo bo’ldi. DATK rahbariyati tomonidan zavodning ishlab chiqarish faoliyatini kengaytirish qarori qabul qilindi. Zavodning muhandis-texnik xodimlari va mutaxassislari tomonidan 1993 yilda zavodning Paxtaobod filialida yuk vagonlarini ta’mirlashga ishlab chiqarishni tayyorlash ishlari boshlandi. 1993 yildan 2003 yillarda yuk vagonlarining xizmat muddatini uzaytirish, shuningdek rangsiz neft mahsulotlarini tashish uchun stisternalar, yangi vagonlar qurish bo’yicha texnologiyalar, yaratildi va amaliyotga tadbiq qilindi.
Yuqoridagi texnologiyalarni o’zlashtirish maqadida AMZ mutaxassislari O’zbekiston, Rossiya, Ukrainaning etkachi zavodlari va o’quv tayyorlash markazlarida malaka oshirdilar.
2003 yildan zavod 8 tonnalik gidravlik domkratlar, RGS-1 uchun stanoklar, shuningdek “O’TY” DATKning Yo’l xo’jaligi uchun portalli kranlar tayyorlashni boshladi.
2004 yilda Vazirlar Maxkamasining 14.01.04yildagi 18-sonli “Mahalliy xom ashyodan ehtiyot qismlar va tayyor mahsulotlarni ishlab chiqarish” nomili maxalliylashtirish Dasturiga vagon-stisternalar ishlab chiqarish rejasi kiritilgan edi va ushbe reja 100% ga bajarilib 50 ta neft quyish vagonlari ishlab chiqarildi.
2009 yildan qo’rg’oshin tashish uchun 4 o’qli vagon-stisterna tayyorlash va 13-401 modelini universal platformalarni 16 yilga xizmat muddatini uzaytirish ishlari o’zlashtirildi.
2009 yilda zavod konstruktorlari tomonidan 8 o’qli stisternalarni xizmat muddatini uzaytirish maqsadida kapital ta’mir uchun konstruktorlik-texnologik xujjatlar ishlab chiqildi. 13-401 modelidagi universal platformalarni suyuk bitum tashish uchun vagon sifatida qayta jixozlash, kimyoviy yuklarni tashish uchun stisterna va neft mahsulotlarini tashish uchun tank konteynerlarni xizmat muddatini uzaytirish maqsadida kapital ta’mirlash ishlari uchun xam xujjatlar tayyorlandi.
2010 yilda 8 o’qli stisternalar va kimyoviy yuklarni tashish uchun stisternalar va neft mahsulotlarini tashish uchun tank konteynerlarni ishlab chiqarish kapital ta’miri o’zlashtirildi.
Tezyurar “TALGO” poezdini ta’mirlash va xizmat ko’rsatish uchun domkrat ishlab chiqarish uchun konstruktorlik-texnologik xujjat ishlab chiqilgan va faoliyat amalga oshirilmoqda.
Korxona faoliyatining bosh maqsadi – bu mahsulot ishlab chiqarishda kam harjat sarflagan holda barcha iste’molchilarga yuqori sifatli mahsulot etkazib berish bo’yicha rejalar, topshiriqlar, shartnomalarni bajarishdan iborat.
Do'stlaringiz bilan baham: | 
