13- mavzu. Sovet hokimiyatining o‘zbekistonda amalga oshirgan ijtimoiy, siyosiy-iqtisodiy tadbirlarining mustamlakachilik siyosati. O‘zbekiston mustaqillikka erishish yo‘lida (1946-1991) Asosiy tushuncha va iboralar

13.3. Urushdan keyingi yillarda aloqa tizimi va Toshkent elektrtexnik aloqa institutining tuzilishi

Oʻzbekiston SSR Vazirlar Kengashining 1946- yil 3- oktyabrdagi qaroriga binoan, Toshkent viloyatining Toshkent tumanidagi Oʻrta-Ovul mavzesida katta quvvatliradiotarqatish stansiyasiniqurish uchun 88 gektar yer ajratildi va qurilish ishlari boshlab yuborildi. Qurilish ishlari quruvchilar va kelajakda radiostansiyada ishlaydigan xodimlar uchun kompleks yashash poselkasini qurishdan boshlandi. Shuningdek, bir vaqtda ikkita mustaqil ishlaydigan 6 kvattli elektr uzatgich Boʻzsoy kaskad GESning 14-chi va 18-chi boʻlinmalari oʻrnatildi.

1949- yil dekabr oyida yuqoridagi ob’ektlardagi qurish-montaj va moslashtirish ishlari yakunlandi va 1950- yil 1- yanvardan boshlab, katta quvvatli RV-154, 150 kvattli, uzun toʻlqinli diapazon bilan ishlatishga moʻljallangan radiotarqatish uzatgichini qurish ishlari boshlandi. Antennalar ikkita 240 metr balandlikka moʻljallangan metall machta bilan qurildi. Mazkur radiostansiya orqali berilayotgan birinchi dasturni Respublika radiotarqatish korxonasi tomonidan Oʻzbekiston hududiga (Buxorogacha) va chegaradosh respublikalarga ham tarqatish imkoniyatlari yaratildi.

Shu davrda aloqa sohasini rivojlanishiga toʻsiq boʻlayotgan muammolardan biri – yuqori malakali kadrlarning yetishmasligi edi. Respublikadagi aloqachilarning aksariyat qismi hatto oʻrta maxsus ma’lumotlarga ega emas edi. Dastlab, 1954- yilda respublikada Aloqa vazirligi tuzildi. Hamda ushbu vazirlik buyrugʻiga asosan 1955- yil iyunida Toshkent elektrtexnika aloqa instituti tuzildi. Institut yagona Telegraf-telefon fakultetidan iborat boʻlib, undan 155 talaba tahsil olgan.

Keyingi yillarda institutda aloqa tzimi taraqqiyot darajasidan kelib chiqqan holda yangi fakultet va kafedralar tashkil etildi. Jumladan, 1957- yilda radioaloqa va radio uzatish fakulteti hamda avtomatik elektraloqa, elektrotexnika nazariy asoslari, aloqa liniyalari kafedralari tashkil etildi. 1958- yilda institutda Koʻp kanalli elektraloqa va 1960- yilda Radio qurilmalar kafedralari tashkil etildi.

Koʻp yillar davomida Toshkent elektrotexnika aloqa instituti Oʻrta Osiyodagi oliy ma’lumotli mutaxassislar tayyorlovchi yetakchi markazga aylandi. Unda oʻz davrining yetakchi professor-oʻqituvchilari va olimlari ilmiy-pedagogik faoliyat olib bordilar. Hozirgi kunda universitetda faoliyat yurituvchi aksariyat tajribalari ustozlarimiz ham ushbu ilm maskanini tamomlaganlar.