13- mavzu: Menejment tizimida strategik va takttik rejalar. Reja

13- Mavzu: Menejment tizimida strategik va takttik rejalar.


Reja:
1. Strategik rejalashtirish mohiyati, elementlari va bosqichlari.
2. Strategiyani tanlash va amalga oshirish.
3.Strategik rejani amalga oshirishni boshqarish.
4.Strategiya va strukturaning o‘zaro mosligini aniqlash va tahminlash.
Tayanch iboralar: Strategik rejalashtirish, Strategiya, Missiya, Taktika, Siyosat, SWOT tahlil, Byudjet bo‘yicha boshqarish, Maqsadlar bo‘icha boshqarish

Taraqqiyot va yuksak rivojlanishga erishgan davlatlar tajribasiga ko‘ra, har bir xalq o‘z oldiga ulug‘ va istiqbol maqsadlarni qo‘yishi hamda uni amalga oshirish salohiyatlari bilan jahon hamjamiyatida munosib o‘rin egallaydi. Bugun O‘zbekiston ham o‘z tarixining ana shunday mas’uliyatli chorrahasida turibdi, desak, mubolag‘a bo‘lmaydi. Binobarin, Prezident Shavkat Mirziyoev tomonidan ishlab chiqilgan Harakatlar strategiyasi istiqbolimiz taqdirini hal etuvchi muhim va yangi davr bosqichini ifodalovchi milliy g‘oyaga aylanmoqda.

Xo‘sh, strategiya nima? Strategiya — bu ta’limotni izlash, ifodalash va rivojlantirish tizimi bo‘lib, u izchillik bilan va to‘liq amalga oshirilganda uzoq muddatli muvaffaqiyatni ta’minlaydi.
XXI asrga kelib strategiya tushunchasi ancha kengaydi. Strategiya deb, dunyo miqyosida va davlat ichki hayotidagi iqtisodiy, ijtimoiy-siyosiy hamda boshqa sohalarda vujudga kelgan inqiroziy vaziyatlarni prognozlashtirish va bartaraf etishga qaratilgan boshqaruvni tashkil etish masalalariga doir tushunchalarni qamrab oladi. Shundan kelib chiqib, davlat strategiyasi bir biri bilan o‘zaro bog‘liq, lekin alohida xususiyat kasb etuvchi ko‘plab tushunchalarda ifodalanadi.
Taktika nima? (yun. tasso — saflayman) — belgilangan maqsadga erishish uchun ishlatiladigan vosita va usullar majmuasi.
1) harbiy sanatning tarkibiy qismi; qurolli kuchlarning turli qo‘shin turlari (flot kuchlari), qo‘shilmalar, qismlar(kemalar) va birikmalar hamda quruklikdagi, havodagi va dengizdagi maxsus qo‘shinlarni jangga va uni olib borishga tayyorlash nazariyasi va amaliyotini o‘z ichiga oladi. T. operativlik sanʼati va strategiyaga bo‘ysunadi;