12- mavzu: Yangi diny harakatlarining va sektalar

2)Protestantlarning "Ikilamchi" birlashmalari - Iyegev shoxidlari

• Yahve shohidlari (yoki Iyegov shohidlari) yo‘nalishiga 1873 yilda Charlz Teyz Rassel (1852-1916) tomonidan asos solingan. Yo‘nalishning diniy ta’limoti uning yetti tomlik «Muqaddas Yozuvni o‘rganish» kitobiga asoslanadi.Ch.Rassel vafotidan keyin tashkilotga rahbarlik qilgan Iosif (Djozef) Franklin Ruzerford iyegovochilikka «armageddon» (ya’ni, go‘yoki, oxirzamonda Iso boshchiligidagi iyegovochilar va Shayton boshchiligidagi jinlar qo‘shini o‘rtasida bo‘lib o‘tadigan jang) tushunchasini kiritdi. Shuningdek, u har yili iyegovochilarning xalqaro konferensiyalarini o‘tkazishni, 50 ga yaqin kitob muallifi sifatida targ‘ibot ishlarida radio va grammo-plastinkalardan foydalanishni yo‘lga qo‘ydi.«Iyegov shohidlari» Uchlik haqidagi aqidani rad etishadi, lekin boshqa yo‘nalishlar kabi uning barcha ko‘rinishlarini izohlashadi. Ular xudoning o‘z shaxsiy ismi bor, bu ism «Iyegov»dir va u barcha narsalarning asosi va yaratuvchisi, deb hisoblaydilar.Iyegovchilar Iso Xudoning O‘g‘li bo‘lgan deb e’tiqod qilsa-da, uning Xudo bo‘lganini inkor qilishadi. Ularning ta’limotiga ko‘ra, Iso Iyegovo tomonidan yaratilgan yagona insondir, qolgan barcha insonlar Masih orqali yaratilgan. Muqaddas Ruh - Xudoning ko‘rinmas kuchi bo‘lib, u dunyo yaratilishida qatnashgan.