11. Talaba o’rganishi uchun nazariy material 3-ma’ruza. Informatikani kasbga yo’naltirib muammoli o’qitishni (keys) loyihalashtirish. Reja

11. Talaba o’rganishi uchun nazariy material

3-ma’ruza. Informatikani kasbga yo’naltirib muammoli o’qitishni (keys) loyihalashtirish.

Reja:

1. 
   Muammoli o’qitishning nazariy asoslari.
   
2. 
   Muammoli dars strukturasi
   
3. 
   Informatikani kasbga yo’naltirib muammoli o’qitishni (keys) loyihalashtirish.
   

Tayanch tushunchlar. Muammoli ta`lim, rivojlanuvchi ta`lim, muammoli ta`lim maqsadi, vazifalari, vositalari, muammoli ta`lim darajalari, muammoli dars strukturasi

NAZARIY QISM

Bugungi kunda metodlarni samarali qo’llashning muhim mezonlaridan biri muammoli vaziyatni vujudga keltirish, muammoni kun tartibiga qo’ya bilishdir. Pedagoglarning fikricha, muammoli o’qitish talabaning mustaqilligini, fikrlash doirasini kengaytirishga olib keladi. Muammoli o’qitish talabalarni faol bilish jarayoniga undab, tafakkurni ilmiy tadqiqotga yo’naltiradi.

Muammo-grekcha πρόβλημα. so’z bo’lib, keng ma'noda o'rganish, hal qilishni talab qiladigan murakkab nazariy yoki amaliy savoldir; fanda - har qanday hodisalarni, ob'ektlarni, jarayonlarni tushuntirishda qarama-qarshi pozitsiyalar ko'rinishida ishlaydigan va uni hal etish uchun etarli nazariyani talab qiladigan qarama-qarshi vaziyat; Hayotda muammo odamlar tushunadigan tarzda shakllantirilgan: "Men nimani bilaman, qanday ekanligini bilmayman", ya'ni nimaga erishish kerakligi ma'lum, ammo buni qanday amalga oshirish noma'lum .