1/1 Mayli asta, mayli oz – ozlab, Bo’yingizga bo’yimni chog’lab, Dilingizga dilimni sozlab, Bir munosib so’z bo’lgim kelar. 2/1

5/1-o’quvchi:
-Yolg’iz, sirdosh dugonasi – tun bo’lgaydir,
Muhabbatga to’lovlari xun bo’lgaydir.
Nolalari navoli bir un bo’lgaydir,
Dili yig’lab, ko’zi kulgan shoiramiz.
5\2-o’quvchi:
-Yuragim o’rtaydi bir o’yli niyat,
Xalqqa kerak bo’lib yashagim kelar.
Yozib she’r, elimga qilib ko’p xizmat,
Zulfiya opamga o’xshagim kelar.
5\3-o’quvchi: - Bilasizmi do’stim, 1999-yil 10-iyunda yurtimizda Zulfiya nomidagi Davlat mukofoti ta’sis etildi. Hozirgi kunda 200 nafardan ziyod iqtidorli qizlar ushbu mukofotga sazovor bo’ldilar.
5\4-o’quvchi: - Ha, 2007-yil 13-sentyabrda davlatimiz rahbarining “Toshkent shahrida O’zbekiston xalq shoirasi Zulfiyaning haykalini o’rnatish to’g’risida”gi qarori qabul qilindi.
5\5-o’quvchi: - 2008-yil 1-mart kuni poytaxtimizda O’zbekiston xalq shoirasi Zulfiyaxonim haykali ochildi.


6\1-o’quvchi:
MEN O’TGAN UMRGA.
Hayot kitobimni bexos varaqlab,
Men o‘tgan umrga achinmay qo‘ydim.
Tabassum o‘rnida kuldim charaqlab.
Suyish kerak bo‘lsa - telbacha suydim.
Kiyganim ipakmi, chitmi yo kimxob,
Yurak boyligidan qilmabman parvo.
Meni og‘ushlagan hayot naq oftob,
Yangi qo‘shiq talab unda har saboq.
Men o‘tgan umrga achinmay qo‘ydim,
Hech kimda ko‘rmayin umrimga o‘xshash:
Suydim,
Erkalandim,
Ayrildim,
Kuydim,
Izzat nima - bildim.
Shu-da bir yashash!..


6\2-o’quvchi:
BOG‘LAR QIYG‘OS GULDA
Bog‘lar qiyg‘os gulda — yaxlit bir chaman,
Har daraxt anvoi bir tarovatda.
Bir kaft bog‘ mehnatu hosilga vatan,
O‘zga ko‘rk, o‘zga rang har bir daraxtda.
Har navda bir gulda, har gulda bir ro‘y,
Har daraxt bargi bir dunyo hikoya,
Har birin hosili o‘zgasiga ko‘rk,
Biri-biri uchun qudrat, himoya.
Vatanim ko‘zimda: qay burchi aziz,
Bilmam, qayda tole serzavq, serjilo?
Yalpi to‘lishadi bedaxl yurtimiz,
Naq har qarichi dil, jon tomir go‘yo,
Bir qardosh tinchisiz — o‘zga beorom
Birining nonisiz — o‘zga emas to‘q...
Bu – qadim dunyoda yangi bir olam,
Bunda orqa tog‘siz bir tirik jon yo‘q.
Tayanch bo‘lmasaydi odamzod albat,
O‘zi kashf etardi, kashf etganday baxt.