11-mavzu. Nеytrallash (kislota-asosli titrlash) usuli asoslari. Indikatorlarning ion va xromofor nazariyasi

Ekvivalentlik nuqtasini topish. Ekvivalentlik nuqtasini, yani qo’shilgan reaktiv modda B ning miqdori titrlanayotgan modda miqdoriga ekvivalent bo’ladigan nuqtani aniq topish neytrallash usulida ham juda muhimdir. Amalda ekvivalentlik nuqtasi indikatorlar yordamida (ular rangining o’zgarishi orqali) anikdanadi. Buning uchun titrlangan moddaga 1-2 tomchi indikator tomiziladi.

Neytrallanishning har qaysi jarayonini grafik yordamida titrlash egri chiziq ko’rinishida ifodalash mumkin. Bu egri chiziq titrlanayotgan eritmaga standart eritma — titrlangan kislota yoki ishqor eritmasini qo’shib borish bilan uning pH qiymatining o’zgarib borishini ifodalaydi.

• Indkatorlarning ion va xromofor nazariyasi.

Ma’lum darajada aniqlik bilan titrlashning oxirgi nuqtasini belgilashga imkon beradigan moddalar indikatorlar deb ataladi. Indikator to’g’ri tanlansa ekvivalentlik nuqtasi titrlashning oxirgi nuqtasi bilan mos tushadi.

1894 yilda Ostvald indikatorlar nazariyasini yaratdi. Bu nazariyaga ko’ra neytrallash usulining indikatorlari molekula va ionlari turli rangta ega bo’lgan organik kislota yoki asoslardir.