11-mavzu nazorat savollari. Tashkilotning axborot ta'minoti deganda nimani tushunasiz?

4. Kommunikatsiya nima? Kommunikatsiyaning boshqaruvdagi oʻrnini koʻrsatib bering.

Kommunikatsiya - axborot almashinish jarayonidir. Axborot yordamida rahbar maʼlumotlar olib, samarali boshqaruv qarorlari qabul qiladi, uning vositasida vazifalarni ishchi xodimlarga yetkazadi. Xullas, rahbarlik faoliyati samarali axborot almashinuvini talab qiladi. Agar insonlar oʻzaro axborot almashib turmasa, ular birgalikda ishlay olmaydi va oldilariga qoʻygan maqsadning shakllanishi, unga erishishi qiyin boʻladi. Axborot almashishning sifati boshqaruv qarorlariga taʼsir koʻrsatadi.

Axborotlar korxona ichida bosqichma-bosqich, yaʼni vertikal tarzda kommunikatsiyalar orqali oʻtadi. Axborotlar yuqori boshqaruv organlaridan pastki organlarga oʻtadi. Shuningdek, pastki organlardan yuqori boshqaruv boʻlimlariga axborotlar oqimi keladi. Aynan ikkinchi jarayon korxonalarda ijobiy oʻzgarishlarga olib keladi. Korxonada vertikal aloqalardan tashqari, gorizontal aloqalar ham mavjud. Maʼlumki, korxonalarda turli-xil funksional boʻlimlarning mavjudligi ular orasidagi oʻzaro axborot oqimining kerakligini anglatadi. Misol uchun, yangi texnologiya asosida, korxona turli xil mahsulotlar ishlab-chiqarishi mumkin, shuning uchun ham marketing boʻlimining yuqori darajada axborottalablilik ahamiyatini saqlab qoladi va uning talablarini oʻz vaqtida qondirilishini taʼminlaydi.

Kommunikatsiya) - maʼlumot, axborot almashinish jarayoni boʻlgani uchun, uning asosida rahbar zaruriy maʼlumotlarni, yaʼni samarali (ratsional) qarorlarni qabul qilishga zarur boʻlgan maʼlumotlarni yigʻib olib, keyin tashkilot xodimlariga qabul qilingan qarorlarni yetkazish bilan shugʻullanadi. Kommunikatsiya yomon tashkil qilingan boʻlsa, qaror xato ketishi mumkin. Kommunikatsiya samarasi koʻpincha qarorning sifatini va keyinchalik uning toʻliq amalga oshishini taʼminlaydi. Tashkilotdagi boshqaruv odamlar orqali amalga oshiriladi, demak, menejer qoʻlida jamlangan axborot va maʼlumotlar ham boshqaruvning taʼsirchan instrumentlaridan biriga aylanadi. Ushbu axborot va maʼlumotlardan foydalanish, ularni uzatib va aks taʼsirini qabul qilish bilan menejer xodimlarni tashkillashtiradi, ularning hamkorlikdagi harakatlarini oʻzaro kelishtiradi va motivatsiyalaydi. Koʻp narsa axborotning qanday tarzda uzatilishiga bogʻliq boʻladi. Uzatishning samarasi esa axborot qabul qiluvchining tushinib olishiga ham, uzatish vositalariga ham bogʻliq boʻladi.