11-mavzu nazorat savollari. Tashkilotning axborot ta'minoti deganda nimani tushunasiz?

2.Aloqa turlarini tavsiflang.

Tashkilotning tashqi muhiti bilan aloqalaridan tashqari yana bir qator aloqa turlari mavjud. Bular tashkilotdagi bosqichlar orasidagi va boʻlinmalar orasidagi aloqalardir. Yuqoriga qarab siljuvchi aloqalar, quyiga qarab ketgan aloqalar, gorizontal aloqalar, rahbar va xodimlar orasidagi aloqalar, rahbar va ishchi guruhlar orasidagi aloqalar hamda norasmiy aloqalar turlari mavjud. Norasmiy aloqalar va ularning asosi boʻlgan mish-mishlar borasida toʻxtalib oʻtsak, izlanishlar shuni koʻrsatadiki, norasmiy uzatish aloqa yoʻllari boʻyicha uzatiladigan maʼlumotlar negizida 80% dan 99% gacha toʻgʻri boʻlib chiqishi mumkin boʻlgan maʼlumotlar yotar ekan. Shuni hisobga olgan holda har qanday rahbar mish-mishlarning tarqalishidan unumli tarzda foydalanishi ham mumkin.

Tashkilot va uning tashqi muhiti bilan aloqalari doirasida tashkilotning umumiy “imidji” hosil boʻladi, bunga bozor iqtisodiyoti sharoitida alohida eʼtibor bilan yondoshiladi. Rahbariyat maʼlum hatti-harakatlari bilan mahalliy, mamlakat miqyosidagi va xalqaro miqyosdagi oʻz tashkiloti haqidagi fikrning shakllanishiga hissa qoʻshadi. Demak, bu borada toʻgʻri aloqalarni hosil qilish, ularni oʻrnatish, maʼlumotni asoslanganligiga alohida eʼtibor qaratish lozim boʻladi. Ayrim hollarda umuman oʻziga bevosita aloqador boʻlmagan elementlar bilan ham aloqa bogʻlash zarurati tugʻilishi mumkin. Masalan, bir vaqti “Djonson end Djonson” firmasi “Tilenom” kapsulalarida zararli moddalarni aniqlab qolganida, bevosita ommaviy axborot vositalari, isteʼmolchilar, sanitar nazorati boshqarmasi va distribyuterlar bilan aloqa bogʻlashga majbur boʻlgan. Bu jarayonda, albatta, aloqa oʻrnatishning turli vositalaridan foydalanilmaganda qisqa muddatlar ichida bu ofatning oldini olib boʻlmas edi.