11-mavzu bo‘yicha glossariy Soliq

Vaqtinchalik farqlar deb – hisobot davrida soliqqa tortiladigan bazaga qo’shiladigan, keyinchalik tegishli shartlar bajarilganda uning tarkibidan bir necha davr davomida chiqarilib boriladigan xarajatlarga aytiladi.
Mol-mulk solig’i Soliq kodeksini XV bo’limi bilan tartibga solinadi.
Soliq to’lovchilar. Yuridik shaxslarning mol-mulkiga solinadigan soliqning soliq to’lovchilari deb quyidagilar e’tirof etiladi:
1) O’zR hududida Soliq kodeksining 411-moddasiga muvofiq soliq solish ob’ekti hisoblanuvchi mol-mulkka ega bo’lgan O’zR yuridik shaxslari;
2) O’zR hududida ko’chmas mulkka ega bo’lgan O’zRning norezidentlari bo’lgan yuridik shaxslar.
Agar ko’chmas mulk mulkdorining joylashgan erini aniqlashning imkoni bo’lmasa, ushbu mulkka egalik qiluvchi va (yoki) undan foydalanuvchi shaxs soliq to’lovchi hisoblanadi.
Suv resurslaridan foydalanganlik uchun soliqni hisoblab chiqarish va to’lash tartibi Soliq kodeksini XVII bo’limida belgilangan.
Soliq to’lovchilar. Suv resurslaridan foydalanganlik uchun soliq to’lovchilar O’zR hududida suvdan birlamchi foydalanishni yoki suvni iste’mol qilishni amalga oshiruvchi quyidagi shaxslardan iborat:
- O’zRning yuridik shaxslari;
- faoliyatini O’zRda doimiy muassasalari orqali amalga oshirayotgan O’zRning norezidentlari bo’lgan yuridik shaxslar;
- suvdan tadbirkorlik faoliyati uchun foydalanuvchi yakka tartibdagi tadbirkorlar;
- dehqon xo’jaliklari.
Yer qa’ridan foydalanganlik uchun soliqni hisoblab chiqarish va to’lash tartibi Soliq kodeksini XVIII bo’limida belgilangan.
Soliq to’lovchilar. Er qa’ridan foydali qazilmalarni qazib oluvchi, mineral xomashyodan va (yoki) texnogen mineral hosilalardan foydali komponentlarni ajratib oluvchi er qa’ridan foydalanuvchilar er qa’ridan foydalanganlik uchun soliqni soliq to’lovchilar deb e’tirof etiladi.