11-мавзу: Бельгияда архив иши

11-мавзу: Бельгияда архив иши.
Р Е Ж А:
1. Бельгияда архив ишининг шаклланиш босқичлари.
2. Бельгияда Бош архив ва провинциялар архивларини тутган ўрни.
3. Бельгияда архив ишига доир қонунларни жорий этилиши.
Адабиётлар:
1. Бржостовская Н.В. Архивы и архивное дело в зарубежных странах. Учеб. пособие. - М.: 1971.
2.Бржостовская Н.В., Илизаров Б.С. Архивное дело с древнейших времён до 1917 г. // Труды ВНИИДАД. Т. 1, 2. М.: 1979.
3. Карапетянц И. В. Экономические архивы Западной Европы и США в постиндустриальном мире. Общность и своеобразие. – Москва, РГГУ, 1999.
4.Медведев И.П. Архивы Франции // Вспомогательные исторические дисциплины. Т. 10. Л., 1978.
5.Клейе-Мишо Р. Архивное дело во Франции // Отечественные архивы. 1995. № 6.
6. Самоквасов Д.Я. Централизации государственных архивов в Западной Европе в связи с архивной реформой в России. –М.: 1899.
7. Самоквасов Д.Я. Централизации государственных архивов: Архивное дело на Западе. –М.: 1900.
8. Иофе В. Всеобщая история архивов и ведущие архивы современного мира. Методическое пособие. Ташкент, 2009.
9. Малышева С.Ю. Основы архивоведения. Учебное пособие. Казань, 2002.

Француз буржуа инқилоби натижасида Францияда архив ишининг ташкил этилиши ва тузилиши жараёнлари, бир қатор мамлакатларда ҳам архив ишининг ривожланишига катта таъсир кўрсатди. Ушбу ҳолат энг аввало ва бевосита Бельгияга нисбатан таъсир этган. Ушбу иш 1794 йилда йўлга қўйилди, шу йили инқилобий Франциянинг ҳарбий қўшинлари Флерюс ёнидаги жангда ғалаба қозонганидан сўнг, Бельгиянинг худудлари Франция республикасига қўшиб олинди. Худди Франциядагидек, Бельгия ҳам территориал худудий жиҳатдан департаментларга ажратилди, бўлинди ва 1796 йилда Брюссель, Гент, Льеж, Намюр, Люксембург ва Маастрихт шаҳарларида – 6 та департамент архивлари ташкил қилинди. Дастлаб ушбу архивлар, доминион(Франция таркибига кирган, расмий жиҳатдан мустақил бўлган давлат)лар ва маъмуриятнинг амалий фаолиятида зарур бўлган, эски идора усулига оид ҳужжатлар сақланадиган жой бўлган. Аммо кейинчалик секин-аста илгари Бельгия территориясида фаолият юритган Испания ва Австрия тузумларининг идора усулига тегишли сақланиб қолган материалларнинг катта қисми ҳам қўшиб олинди, бундан ташқари айрим диний ва дунёвий корпорациялар, гильдиялар ва цехларнинг, суд идоралари ва нотариал органларнинг фондлари ҳам департаментлар архивлар таркибига киритилган. Ўша вақтдаёқ Бельгиядаги бошқа архивлар орасида, французлар бошқаруви даврида Бельгия территориясини бошқариш бўйича марказ сифатида ажралиб турган Брюссель шаҳридаги архив ўзининг аҳамияти жиҳатдан муҳим ўрин тутган. Вена конгрессидан кейин Бельгия территорияси Нидерландия бирлашган қироллиги таркибига киритилди, илгари ташкил этилган департамент архивлари, давлат архивлар сифатида сақланиб қолди, провинциялар архивлари деб номланди.

Бельгияда архив ишини ривожланишининг келгуси босқичи 1830 йилдан кейин бошланди. Халқининг мустақиллик учун кураши туфайли Бельгияда мустақил давлат вужудга келди, ташкил топди. Янги қиролликнинг давлат бошқаруви тизимининг тузилиши ва шаклланиши жараёнида давлат архивларини ҳам ташкил қилиш назарда тутилган; бунинг учун амалий асос сифатида француз инқилоби даврида амалга оширилган чора-тадбирлар муҳим аҳамият касб этди. Давлат архивларини бошқариш ишлари, ички ишлар вазирлиги фаолияти соҳасига олиб берилди, ўтказилди. Қиролликнинг бош архившуноси мазкур ишни бевосита амалга оширган, яъни бошқарган. Ушбу лавозимда, 1831 йилдан то 1885 йилга қадар узоқ вақт мобайнида, XIX- асрнинг йирик тарихчи-архившуносларидан бири