11-маъруза: поллар ва уларга қЎйиладиган талаблар режа

11.9-расм. Ламинат пол қопламаси: 1 – аккрилат ёки меламин смола қат-лами; 2–декоратив қоғоз; 3–намга чидамликни оширувчи плёнка; 4 – ДВП панели ламинатнинг асоси);
5 – намга чидамли қоғоз қатлами.

Турар-жой ва жамоат биноларининг ёрдамчи хоналарида ва намлик кўп бўладиган хоналарда керамик плиталардан пол қилинади. Плиталарнинг шакли квадрат, олтибурчак, саккизбурчак, қалинлиги 10, 13 мм бўлиши мумкин. Бундай пол 1:3 таркибли цемент қум қоришмасидан қилинган қалинлиги 10...15 мм бўлган текисловчи қатламга ётқизилади (11.10-расм).

Ўрамли материаллардан қилинадиган полларнинг конструктив схемаси керамик плиталардан қилинадиган полларникидан фарқ қилмайди. Бундай поллардан энг кўп қўлланилаётгани поливинилхлорид линолеум. Линолеум асосли (юмшоқ мато ёпиштирилган) ёки асоссиз бўлиши мумкин.








11.10-расм. Керамик плиталардан қилинган поллар: а – квадрат плиталардан; б – олтибурчак плиталардан; в – саккизбурчак плиталардан қилинган пол.

“Иссиқ пол”. Пол бинонинг доимо одам билан контактда бўладиган конструкциясидир. Шу боис унинг сиртидаги температура хонадаги шинам муҳит учун катта аҳамиятга эга. Девор ёнида жойлашадиган иситиш жиҳозларидан иссиқлик юқорига кўтарилади, пол сиртидаги температура шифт остидаги температурадан анча паст бўлади. Хонани полдан тарқаладиган иссиқлик билан таъминланганда хонадаги температура тақсимоти одам учун энг оптимал ҳисобланади.

Иккинчи томондан девор ёнида жойлашадиган масалан иссиқ сув ёрдамида иситиш жиҳозларига сувни деярли 90 ⁰С гача иситиб бериш керак. Пол орқали иситилганда эса сувни 40-50 ⁰С га ча иситиш етарли бўлади. “Иссиқ пол” конструктив ечимининг намунаси 11.11-расмда келтирилган. Бундай полнинг бошқа пол конструкцияларидан асосий фарқи изоляцион плита устидан ўрнатиладиган иситиш қувурлари мавжудлигидир.
Изоляцияон плита профилланган бўлади, зичлиги 40 кг/м³ пенополи-стиролдан штамплаш усулида тайёрланади. Механик мустаҳкамлиги юқори. Плиталарга қаттиқ полистиролдан пароизоляция қатлами қопланган. Плита сиртида диаметри 16, 17 ва 18 мм бўлган иситиш қувурларини қулай ва ишончли жойлаштириш учун бўртиқчалар қилинган. Ён томонида қулф-калит вазифасини бажарувчи мослама қилинган (11.12-расм).