11-§. Uslubchi

T/R	Lavozim nomi	MMSK bo‘yicha kodi	Xodimlar toifasi
Ta’limning eng past darajasi
1652	Avtotransport vositalarini boshqarish bo‘yicha ishlab chiqarish ta’limi ustasi	1222	Boshqaruv, ishlab chiqarish	O/M

Lavozim vazifalari:

yo‘l harakati qoidalari va har xil harakat sharoitlarida tegishli kategoriyadagi transport vositalarini xavfsiz boshqarish asoslarini o‘qitish;

amaliy mashg‘ulotlar sohasidagi zamonaviy darsliklarga, o‘quv qo‘llanmalariga va o‘quv materiallari talablariga muvofiq o‘rgatish;

tegishli kategoriyalar bo‘yicha haydovchilarni o‘qitish bo‘yicha amaliy mashg‘ulotlarni o‘tkazish;

o‘quvchilarning yo‘l harakati qoidalari to‘g‘risidagi bilimlarini va o‘quv amaliyotda rioya qilishlarini nazorat qilish;

avtotransport vositalarini boshqarishni o‘rgatish jarayonida o‘quvchilarga ta’sir qiluvchi shaxsiy fazilatlarini, psixologik va psixofizik holatini diagnostikasini baholash;

o‘quvchilarning bilim va ko‘nikmalarini va amaliy imtihonga tayyorligini baholash;

avtotransport vositalarini tayyorligini sinovdan o‘tkazish, individual haydashga o‘rgatish uchun texnik jihatdan tayyorlash;

o‘quvchilar bilan instruktaj o‘tkazish, havfsizlik texnikasi bilan tanishtirish;

avtortransportni haydashga o‘rgatish mashqlarini mashg‘ulotlar bo‘yicha taqsimlash, individual haydashga o‘rgatish bo‘yicha jadval tuzish mashqlarni bajartirish;

o‘quv ustaxonasi, o‘quv poligoni va garajda ish o‘rinlarini tayyorlash, jihozlash, o‘quvchilarni amaliy imtixonlarga tayyorlash.

Bilishi kerak:

yo‘l harakati qoidasini, xizmat ko‘rsatilayotgan avtotransport vositalarining maqsadi, qurilmasi, jihozlari, mexanizmlari va qurilmalarining ishlatilishini;

xizmat ko‘rsatilayotgan transport vositalarining asosiy texnik va ekspluatatsion xususiyatlari va ularning harakat xavfsizligiga ta’sirini;

joylarda avtoulovlarga texnik xizmat ko‘rsatish va ta’mirlashni tashkil etishning o‘ziga xos xususiyatlarini;

yo‘l-transport hodisalarining oldini olish usullarini, yo‘l-transport hodisalarida yo‘lovchilarni favqulodda evakuatsiya qilish tartibini;

xizmat ko‘rsatilayotgan transport vositasining ishlashini qayd etish uchun dastlabki hujjatlarni to‘ldirish qoidalarini;

keyingi texnik xizmat ko‘rsatish, texnik ko‘rikdan o‘tkazish muddatini;

ob-havo sharoitlarining haydash xavfsizligiga ta’sirini, baxtsiz hodisalar yuz berganda birinchi tibbiy yordam berishni;

pedagogika, fiziologiya, psixologiya va haydashni o‘qitish metodikasini;

ish o‘rinlarini jihozlash, yong‘inga qarshi himoya, havfsizlik texnikasi va mehnatni muhofaza qilish qoidalari va me’yorlarining bajarilishini ta’minlash.

Malaka talablari:

oliy ma’lumot, 3 yildan kam bo‘lmagan amaliy ish staji, tegishli avtomobilni haydash huquqini beruvchi guvohnoma.