11-§. Uslubchi

17-§. Ustaxona mudiri

t/r	Lavozim nomi	MMSK bo‘yicha kodi	Xodimlar toifasi	Ta’limning eng past darajasi
879	Ustaxona mudiri	1239	boshqaruv	O/M

Lavozim vazifalari:

O‘quv rejasi, dasturi va amaliy mashg‘ulotlar, o‘quv amaliyotlarini o‘tkazish jadvaliga mos ravishda o‘quv-ishlab chiqarish ishlarini tashkillashtirish;

o‘quv ustaxonalarida ish joylarini lozim jihozlar, inventarlar, yo‘riqnomalar va uslubiy materiallar (plakatlar, stendlar, sxemalar, maketlar, namunalar, modellar va boshqalar) bilan o‘z vaktida jihozlashni ta’minlash;

ish o‘rinlarini jihozlash, sozlash, ta’mirlash, ularni amaliy ishlar texnologiyasiga muvofiq taqsimlash (rejalashtirish)ni tashkillashtirish;

o‘quv ustaxonasiga xizmat ko‘rsatuvchi xodimlar, ishlab chiqarish ta’lim ustalari va o‘quvchilar bilan ustaxonalarda mehnat muhofazasi va xavfsizlik texnikasi qoidalari bo‘yicha instruktaj olib borish;

amaliy mashg‘ulot va o‘quv jarayonini o‘tkazishda ishlab chiqarish ta’limi ustalariga amaliy yordam ko‘rsatish;

o‘quv ustaxonasida ishlashda mehnat muhofazasi, xavfsizlik texnikasi, yong‘in va elektr xavfsizligi qoidalariga rioya etilishini, o‘quv ustaxonada asboblar, inventarlar, jihozlarning texnik soz holatda bo‘lishini ta’minlash;

o‘quvchilar kasbiy tayyorgarligining davlat talablariga mosligini nazorat qilish, ustaxona faoliyatini tartiblovchi hujjatlarning to‘g‘ri yuritilishini ta’minlash.

Bilishi kerak:

professional ta’lim tizimining o‘quv amaliyotlarni tashkil etishga oid hujjatlarni, buyruqlarini;

ustaxonadagi stanok, mashinalar, apparatlar, asboblar vamoslamalarning texnik tavsiflarini, ularning ishlash tamoyillarini, qo‘llash qoidalarini, ishlab chiqarilgan mahsulotlar sifatini baholash usullarini;

sanitariya-gigiena talablarini, xavfsizlik texnikasi va yong‘in xavfsizligi qoidalarini.

Malaka talablar

professional ta’lim yo‘nalishi bo‘yicha muhandis-pedagog yoki muhandislik oliy ma’lumot, maxsus fan o‘qituvchisi yoki ishlab chiqarish ta’limi ustasi darajasida 2 yildan kam bo‘lmagan amaliy ish staji.