100-zona: Xom ashyoni tayorlash, piroliz jarayoni, piroliz pechi

700-zona MAPD reaktori,C3-splitter, propilen xolodogent kompressori.
Metilatsetilen va propadienni (MAPD) gidrirlash jarayoni 2,7-3,2 MPa bosim va 45-50 ⁰C haroratda olib boriladi. Gidrirlash jarayonini o’tkazishdan maqsad pirogaz tarkibidan ajratib olingan C₃ qatori uglevodorodlari tarkibida metilatsetilen va propadien uglevodorodlarini propilengasha qaytarishdan iborat, agar ushbu moddalar xom ashyo tarkibidan yo’qotilmasa propilen ishlab chiqarish unumdorligi pasayib ketadi va polimerlashga yaroqsiz maxsulot bolib qoladi. Metilatsetilen va propadien deetanizator kalonnasi (C-2610) kubidan 400 KPa bosimda nasos P-2611 orqali uning bosimi 2751 KPa ko’tarilib gidrirlash zonasiga E-2710 issiqlik almashtirgich apparatiga -1⁰C da kirib keladi.Xom ashyo E-2710 issiqlik almashtirgich apparatiga kirishidan avval unga toza vodorod olish qurilmasi (PSA) dan 35 ⁰C harorat va 3200 KPa bosimda molekulyar vodorod kelib qoshiladi,unga vodorodni kelayotgan xom ashyo tarkibidagi MAPD miqdoriga qarab 1:1 nisbatda beriladi va E-2710 issiqlik almashtirgich apparatida toblovchi suv (Quench water) yordamida 45 ⁰C gacha qizdiriladi undan o’tib R-2710 gidrirlash reaktoriga yuboriladi. E-2710 issiqlik almashtirgich apparatidan o’tgandan keyin haroratni rostlab turuvchi apparat o’rnatilgan bo’lib, agar xom ashyoning harorati ko’tarilib ketadigan bo’lsa (baypas liniya ) aylanma quvur orqali sovuq xom ashyodan qo’shish orqali haroratni bir xilda ushlab turiladi. Gidrirlash reaktori R-2710 A/B ikkita reaktor ornatilgan bo’lib ularning birinchisida gidrirlash jarayoni olib borilsa, ikkinchisi regeneratsiyada turadi. Reaktor ichiga PdO, Al₂O₃, CuO katalizator kompleksi joylashtirilgan bo’lib kelayotgan xom ashyo va vodorod aralashmasi ushbu katalizator qatlami orqali o’tkanida gidrirlash reaksiyasi boradi.
Ushbu reaksiyada metilatsetilen va propadienga vodorod birikishi natijasida propilen va propangacha qaytariladi, bu reaksiya issiqlik ajralib chiqishi bilan boradigan jarayon bo’lib uning reaktordan chiqishdagi harorati 55 ⁰C atrofida bo’ladi va E-2711 isiqlik almashtirgich apparatiga keladi, ushbu aparatda tayyor maxsulotni sovutish uchun “cooling water” sovutuvchi suv yordamida 46 ⁰C gacha sovutiladi, va V-2710 yumkisiga kelib yigiladi, undan P-2710 nasos orqali keyingi jarayonga propan va propilenni ajratishga “C₃-splitter”ga yuboriladi. P-2710 nasosidan keyin analizator ornatigan bo’lib u xom ashyo va tayyor maxsulot tarkibidagi metilatsetilen va propadienni miqdorini tekshirib turadi agarda maxsulot tarkibida metilatsetilen va propadien miqdori belgilangan miqdordan o’shib ketadigan bo’lsa tayyor maxsulotni retsiklga qaytarib beradi.