|
10.3.1-jadval
Mehmonxona xo‘jaligining asosiy xizmatlari
Xizmat turi
|
Mazmuni
|
Nomerlarni boshqarish
|
Nomеrlar bеrish va shu bilan bog‘liq bo‘lgan xizmatlarni ko‘rsatish, masalan, bronlash, mehmonlarni kutib olish, qayd qilish, joylashtirish, to‘lovlarni qayd qilish, hujjatlarni tayyorlash, nomerlarda sanitariya holatini nazorat qilish va boshqalar.
|
Ma’muriyat faoliyati
|
Mehmonxonani boshqarish uchun bajariladigan barcha biznes jarayonlarni qamrab oladi, masalan, kadrlarni boshqarish, moliyaviy masalalarni yechish, bo‘limlar orasidagi munosabatlarni yo‘lga qo‘yish, nazorat funksiyalarini bajarish va h.k. Asosan ushbu xizmat menejerlar, buxgalteriya, kadrlar bo‘limi va boshqa bo‘limlarni qamrab oladi.
|
Tijorat xizmatlari
|
Asosan marketing bo‘limi bilan bog‘liq faoliyat turi bo‘lib, bozorni o‘rganish, reklamalarni amalga oshirish, matbuot va boshqa xizmatlarni qamrab oladi. Ushbu xizmatlarning asosiy maqsadi – bu mehmonxona mahsulotini bozorga chiqarish va yangi xizmat turlarini ishlab chiqish.
|
Ovqatlanishni tashkillashtirish
|
Ushbu xizmatga restoran, bar, bufet, tezkor ovqatlanish shaxobchalari va boshqalar kiradi. Bu yerda bajariladigan faoliyat mehmonxonaning asosiy xizmat turining tarkibida bo‘ladi.
|
Texnikaviy va kommu-nikatsiya xizmatlari
|
Suv, gaz va boshqa texnik ta’minotlarni ishini ta’minlab turadi.
|
Qo‘shimcha va yordamchi faoliyat xizmatlari
|
Bu yerda mijozlarga qo‘shimcha pulli xizmatlar taklif qilinadi, masalan, sartaroshxona, sportzal va boshqalar.
|
Ushbu xizmatlar, ya’ni nomerlarni boshqarish, ovqatlanish xizmatlari va qo‘shimcha xizmatlar bevosita yaxlit bir butunni tashkil etadi, bir-biri bilan bog‘lanadi va korxona qiyofasini shakllantiradi.
Mehmonxona xo‘jaligi faoliyatini tashkillashtirish va uni jahon talablariga binoan samarali boshqarish uchun zamonaviy kompyuter texnologiyalari talab etiladi. Shu bois mehmonxonalarni boshqarishda quyidagi tizimlar qo‘llaniladi: PMS – integrallashgan boshqaruv tizimi; CRS – markazlashtirilgan bandlash tizimi; GDS – global bronlash tizimi.
Ilk bor mehmonxonani avtomatlashtirishda 1960-yillarda Hilton, InterContinental va Sheraton kompaniyalari IBM bilan birgalikda HIS tizimini (Hotel Information Systems) ishlab chiqishgan. Hozirgi kungacha ushbu tizimdan foydalanish davom etmoqda.
1980-yllardan PMS ( Property Management Systems) tizimi keng joriy etila boshlandi. Ushbu tizim shaxsiy kompyuterlardan tashkil topgan lokal tarmoqlarga mo‘ljallangan va quyidagi masalalarni yechishga qaratilgan: nomerlarni bandlash, mehmolarni joylashtirish va ro‘yxatdan chiqarish, hisob-kitob ishlarini bajarish va zaruriy hujjatlarni chop etish, nomerlar fondining holatini nazorat qilish, shartnomalarni bajarilishini kuzatib borish, boshqa firmalar bilan hisob-kitoblarni bajarish, tezkor hisobotlarni shakllantirish, statistik ma’lumotlarni tahlil qilish va boshqalar. PMS tizimining tarkibi mehmonxona sikli tushunchasi bilan bog‘liq, ya’ni mijozni mehmonxona bilan bog‘lanish vaqtidan boshlab, uni mehmonxonadan chiqib ketishigacha bo‘lgan muddatni qamrab oladi.
Hozirgi kunda PMS tizimining har xil tarkibiy qismlari ishlab chiqilgan, lekin asosan quyidagi to‘rtta dasturiy moduli mavjud:
Bronlash moduli.
Mehmonxona nomerlarini bronlash funksiyasini bajarishga qaratilgan. Ma’lumotlar kompyuter tarmog‘i bo‘yicha yetkaziladi va monitorda tasvirlanadi. Ushbu modul global bronlash tizimiga ham ulanishi mumkin.
Nomerlar fondini boshqarish moduli.
Mehmonxona nomerlari haqidagi ma’lumotlarni xotirada saqlaydi va ularning yuklanishini nazorat qiladi. Shu bilan birga nomer bilan bog‘liq ishlarni, masalan, tozalash ishlarini, bajarilishini nazorat qiladi.
Mijozlar bilan hisob-kitobni bajarish moduli.
Mijozlar bilan bajariladigan hisob-kitob ishlarini olib borishga qaratilgan. Shu bilan birga tungi audit jarayonini ham bajaradi. Tizim mijozlarga beriladigan imtiyozlarni yoki kreditlar bilan bog‘liq ishlarni nazoratini olib boradi.
Umumiy boshqaruv moduli.
To‘plangan ma’lumotlar bazasiga asoslangan holda rahbariyat uchun zaruriy axborotlarni har xil kesimda hisobotlar shaklida taqdim etish imkonini beradi.
Mehmonxona xo‘jaligini boshqarishga qaratilgan quyidagi avtomatlashtirilgan tizimlar hozirgi kunda keng tarqalgan: Fidelio, Lodging Touch LIBICA – epitome PMS, Opera Enterprise Solution, Intellect Style, Orak Hotel, Cenium va boshqalar.
Tayanch so‘z va iboralar
Axborot resursi, Axborot texnologiyasi, Axborot tizimi, Global Distribution System; Kompyuterli bronlash tizimi, Sun’iy yo‘ldosh tizimi, GLONASS, Elektron to‘lov tizimlari , Elektron xarita, Telefon tarmog‘i.
Nazorat uchun savollar
1. Axborot texnologiyalari bilan axborot tizimlarining farqi nimada?
2. Global Distribution System bu nima?
3.Geoaxborot tizimi bu?
4. GLONASS qanaqa tizim?
Do'stlaringiz bilan baham: |
