10-Mavzu. Termokimyo

Termodinamikaning birinchi qonuni

• Termodinamika (grekcha “termo” va “dinamik”, ya`ni “issiqlik” va “ish” so`zlaridan olingan bo`lib) temperatura, issiqlik hamda issiqlik va ishning bir-biriga aylanishi haqidagi fandir.
• Termodinamikaning birinchi qonuni energiyaning saqlanish qonuni ekanligini aytib o`tish mumkin. Bu qonunga muvofiq, alohida olingan sistemada energiyaning umumiy miqdori o`zgarmaydi, energiya yo`qolib ketmaydi va yo`qdan bor bo`lmaydi. Bu asosiy qonunni birinchi marta 1748 yil M.V.Lomonosov bayon etgan edi. So`ngra 1842 yilda R. Mayyer ta`rifladi. XIX asrning o`rtalarida mexanik ishning issiqlikka va issiqlikning mexanik ishga aylanishi ustida olib borilgan juda aniq tajribalar va ularning natijalari hamda undan keyingi tekshirishlar mexanik energiyaning issiqlikka tamomila aylanishi mumkinligini ko`rsatdi.
• Gelmogols 1847 yilda “Energiyaning saqlanish prinsipi”ni umumiy tarzda ta`rifladi: alohida olingan (izolyasiyalangan) sistemaning umumiy energiyasi doimo o`zgarmas qiymatga ega bo`ladi.