10-Ma’ruza. Qurilishda ta’mirlash ishlari tamirlash ishlarini tashkil etishning

10-Ma’ruza.

Qurilishda ta’mirlash ishlari .tamirlash ishlarini tashkil etishning
umumiy tamoyillari


Reja:
1. Qurilish-ta’mirlash ishlarini tashkil etishning
umumiy tamoyillari. Umumiy koidalar.
2. Kapital ta’mirlash ob’ektlari bo‘lgan binolarga talablar
3. Binolarni kapital ta’mirlash masalalari. Ta’mirlash ishlarining tasnifi.
4. Qurilish-ta’mirlash jarayonlari va qurilish ishchilari
to‘g‘risida umumiy ma’lumot
5.Rekonstruksiyalash, modernizatsiyalash va kapital ta’mirlash ob’ektlariga tuziladigan ishlarni bajarish loyihasi (IBL) ning tarkibi


1. Umumiy qoidalar

Turar joy binolari ularning vazifasi va rejalashtirilishiga ko‘ra quyidagi turlarga bo‘linadi:

• 
  kvartira turidagi uylar;
  
• 
  mehmonxona turidagi uylar;
  
• 
  uy-pansionatlar;
  
• 
  yotoqxona binolari.
  

Ko‘rsatib o‘tilgan har bir bino turli rejaviy echimlar va uskunalarning joylashuviga qarab o‘ziga xos xususiyatlarga ega bo‘ladi. Turar joy binosi tarkibiga qurilishning o‘zidan tashqari yana bino ichidagi barcha kommunikatsiyalar — isitish tizimi, ichki vodoprovod va issiq suv ta’minoti tizimi, gazoprovod, kanalizatsiya, elektrotexnika va kuchsiz tok tizimi, ventilyasiya qurilmalari, liftlar va sanitariya-texnika asbob-uskunalari kiradi.
Qavatliligiga qarab turar joy binolari quyidagi guruhlarga bo‘linadi:

• 
  kam qavatli (l— 2 qavat);
  
• 
  o‘rtacha qavatli (3—5 qavat, lifsiz);
  
• 
  ko‘p qavatli (6—9 qavat, liftli);
  
• 
  baland uylar (9 qavatdan ortiq, liftli).
  

Loyihaviy belgisiga ko‘ra b—d guruhlariga mansub turar joy uylari seksiyali, koridorli, galereyali bo‘ladi.
Kvartira turidagi turar joy uyining loyihaviy birligi kvartiradir. Kvartira tarkibiga turar joy xonalari, oshxona, sanitariya uzeli (vannaxona va hojatxona) va dahliz kiradi. Kvartiralar xonalarning soniga qarab ajratiladi: bir, ikki, uch, to‘rt, besh va undan ortiq xonali. YAshash xonalari turar joy maydonini tashkil qiladi; oshxona, sanitariya tuguni, kiraverish yordamchi maydonga kiradi. Turar joy va yordamchi maydonlar yig‘indisi umumiy (foydaii) maydonm tashkil qiladi.
Kvartiralarning umumiy (foydaii) maydoniga pasayuvchi koeffitsient bilan hisobga olinadigan yozgi xona-lodjiyalar va balkonlarning maydoni ham kiradi.
Fundamentlar, devorlar va orayopmalar materiallariga qarab, kapitallik darajasiga ko‘ra turar joy uylari 6 guruhga bo‘linadi (1.1- jadval).