10- mavzu: Paxtani quritish barabanlari konstruktsiyasi va ishlashi Reja

Yuqori chastotali tok bilan quritish usuli, bu usul bilan material quritilganda yuqori samaradorlikka erishilish kutilgan. Ma’lum bir qalinlikka ega bo’lgan materiallarni quritganda atrof muhit bilan issiqlik almashinuvi va yuzasidagi namlikni bug’lanishi hisobiga materialning ichki qismi yuzasiga nisbatan yuqori darajada qiziydi. Lekin elektr-energiya ko’p sarf etilganligi uchun, ishlab chiqarishda keng qo’llanilmagan.
2. Quritgichlarning klassifikatsiyalari
Quritish uskunalari tuzilish konstruktsiyalariga asosan quyidagi klassifikatsiyalarga bo’linadi:

1. 
   Issiqlikning materialga uzatish usuli bo’yicha: konvektiv, kontaktli, radiatsion va yuqori chastotali tok bilan
   
2. 
   Ishlash tartibi bo’yicha: o’zgaruvchan va doimiy
   
3. 
   Ishchi kameradagi bosim bo’yicha: atmosferali va vakuum
   
4. 
   Issiq havoning turi bo’yicha: bug’, gaz yoki havo
   
5. 
   Issiq havoning yo’nalishi bo’yicha, ya’ni quritish barabaniga uzatilayotgan issiq havoning yo’nalishi bo’yicha: to’g’ri va qarama-qarshi oqimli.
   

Bunda quritish uskunasiga yuborilayotgan material bilan issiq havoning yo’nalishi bir tomonga yo’nalgan bo’lib, shu asosda quritish jarayoni amalga oshiriladi. Qarama-qarshi yo’nalishda esa, quritish uskunasiga yuborilayotgan paxta xom ashyosining yo’nalishiga qarama-qarshi tomondan issiq havoning yuborilishi bilan amalga oshiriladi.

6. 
   Konstruktsiyasi bo’yicha: kamerali, tunelli, lentali va baraban turidan iboratdir.
   

1. 
   3. Paxta xom ashyosini quritish uskunalari
   

Quritish – paxta xom ashyosini qayta ishlash texnologik jarayonining asosiy ishlab chiqarish operatsiyasi bo’lib, tolaning tabiiy xususiyatlarini saqlangan holda yuqori sifatli mahsulot ishlab chiqarish va uskunalarni samarali ishlashini ta’minlashdan iborat.
Ishlab chiqarilayotgan mahsulot sifati paxta xom ashyosini saqlashga tayyorgarlik, saqlash sharoitlari va korxonalarda qayta ishlashga tayyorgarlikk a bog’liqdir. SHu nuqtai nazardan paxtani dastlabki ishlash texnologik jarayonining asosiy operatsiyasi paxta xom ashyosini, ayniqsa mashina terimi bilan terilgan paxta xom ashyosini quritishdir.
Paxta xom ashyosini qayta ishlash jarayonida muvofiqlashtirilgan texnologik jarayonga asosan quritish operatsiyasi paxta tayyorlov maskanlarining quritish-tozalash bo’limlarida, paxta tozalash korxonalarida esa tozalash bo’limlarida amalga oshiriladi. Bu bo’limlar texnologik mashinalar majmuasi, shu jumladan quritish barabanlari bilan jihozlangan.
So’ngi yillarda paxta tozalash sanoatida paxta xom ashyosini quritish uchun 2SB-10, SBO rusumli to’g’ri oqimli baranbanli quritgichlar (bunda paxta xom ashyosi va quritish agenti bir xil yo’nalishda harakat qiladi) keng ishlatilmoqda.