10 – mashg’ulot

Ishni bajarish

1-ish. Tayyor bo’yalgan preparatdan mikroskopni kichik obyektivida gidrani topib, uning tanasini shakliga e’tibor bering. Tana kichik xaltachasimon, uning oldingi uchida 5 tadan 8 tagacha uzun paypaslagichlari, o’rtada og’iz teshigi ko’rinadi. Gidraning tovoniga ham e’tibor bering.

Tanada ko’zga ko’rinadigan kurtaklar bo’lsa, uning tuzilishi hamda gastral bo’shlig’i ko’zdan kechiriladi. Tananing ko’ndalang kesimidan tayyorlangan mikropreparatni mikroskopning katta obyektivida ko’rib, ektoderma, endoderma va tayanch plastinka, shuningdek gastral bo’shliqni ajrating.

2-ish. Gidra tanasini umumiy ko’rinishi, ko’ndalang va bo’ylama kesmalari tuzilishi rasmlarini chizib, ifodalab qo’ying. Otuvchi hujayralardan penetrant tuzilishini rasmini chizing va ifodalab qo’ying.

Mustaqil ish topshiriqlari

1. 
   Bo’shliqichlilar tipining klassifikasiyasi.
   
2. 
   Gidraning tuzilishi, ko’payishi va rivojlanishi.
   
3. 
   Kolonial gidroidlarning tuzilishi va ko’payishi.
   

Mavzuni mustahkamlash uchun savollar

1. 
   Gidra tanasidagi epiteliy-muskul hujayralarining vazifasini tushuntiring.
   
2. 
   Endoderma hujayralari nima vazifani bajaradi?
   
3. 
   Gidraning oziqlanishi qanday amalga oshadi?
   
4. 
   Gidraning jinssiz ko’payishi qanday amalga oshadi?
   
5. 
   Gidraning jinsiy ko’payishini tushuntiring.