10- amaliy mashg‘ulot: Anjir ko‘chatini yetishtirish. Mashg‘ulot maqsadi

Ko‘chatlarni ekishga tayyorlash. Kuzda tayyorlangan novdalar ko‘chat ekishdan 15-20 kun oldin chuqurdan olib, saralanadi. Zararlangan va qurigan novdalar tashlanadi. Yaxshi saqlangan novdalardan 20-25 sm uzunlikda qalamchalar tayyorlanadk. Qalamchalarning pastki tomoni yuqoridagi kurtakdan 0,5 sm, ustki tomoni yuqoridagi kurtakdan 1,5-2,0 sm uzoqlikda qiya qilib kesiladi.
Qalamchalar tez va yaxshi ko‘karnshi uchun ko‘chatzorga ekishdan oldin kilchyovka qilinadi. Buning uchun tayyorlangan qalamchalar ekishdan 15-20 kun oldin uchini bir tomonga qilib 20-30 tadan taxlanadi va novdalari yozilgan etiketka taxtachasi bilan qo‘shib bog‘lanadi. So‘ngra chuqurligi 45-50, eni 1,4-1,5 sm dan qazilgan transheyaning tagiga 5-8 sm qalinlikda qum solinadi va tagi tekis qilinib bog‘langan qalamchalar uchi pastga qaratib tik holda zichlab chuqurga taxlanadi. Qalamchalar orasida bo‘shliq qolmasligi uchun nam qum solinadi. Qalamchalar qumga 5-6 sm qalinlikda ko‘milishi kerak.
Shuidan so‘ng transheya sug‘oriladi va ochilib qolgan qalamchalar yana qum bilan berkitiladi. So‘ngra transheya ustiga parnik rami zich qilib qo‘yiladi, chetlari ochiq qolmasligi uchun tuprok, bilan berki­tiladi.
Shu holda qalamchalar 10-14 kun, ya’ni ularning yuqoriga qaratib qo‘yilgan tomonida ildizlarning boshlang‘ichi bo‘lgan oq bo‘rtmalar paydo bo‘lguncha turadi. Lekin ildiz otgunicha qoldirmaslik kerak. Aks holda ildizlar kalamchalarni ekish vaqtida sinib ketadi yoki shamol, quyosh ta’sirida qurib qoladi.
Qalamcha ekish. Kilchyovka qilingan qalamchalar 10-12 soat oqar suvga solib qo‘yiladi, so‘ng ko‘chatzorga ekiladi. Qalamchalarni o‘zbekistonning janubiy rayonlarida 20 martgacha, shimoliy rayonlarda esa 5-10 aprelgacha ekib tamomlash kerak. Qalamcha ekish uchun oralari 80 sm, chuqurligi 20 sm lik egat olinadi. Qalamchalar bir-biridan 15-20 sm uzoqlikda pushtaga qiya qilib, bir bo‘g‘ini tuproqdan yuqorida qoldirib ekiladi va nam tuproqqa ko‘miladi. Uning yer ustidagi qismi ham 3-4 sm qalinlikdagi tuproqqa ko‘miladi, so‘ngra suv qo‘yiladi, oradan to‘rt-besh kun o‘tgach yana sug‘oriladi, tuproq yetilganidan keyin kultivatsiya qilinadi.