1. Yo’l va ko’chish. To’g’ri chiziqli tekis harakat

1.Yo’l va ko’chish. To’g’ri chiziqli tekis harakat
1. Koptok 3 m balandlikdan polga tushdi va poldan qaytib ko’tarilayotganda 1 m balandlikda tutib olindi. KoptokNing yo’li va ko’chishini toping.
2. Jism koordinatalari x₁=0 m, y₁=2m bo’lgan nuqtadan koordinatalari x₂=4 m, y₂=-1 m nuqtaga ko’chdi. Chizma chizib, ko’chish vektorini va uning koordinatalar o’qlariga proeksiyalarini to’ping.
3. Vertolyot gorizontal ravishda 40 km uchib, 90⁰ burchak ostida burildi va yana 30 km uchdi. Vertolyot o’tgan yo’lni va ko’chishni toping
2.Harakatning nisbiyligi
4. Velosipedchining tezligi 36 km/soat, uning harakatiga qarshi esayotgan shamolning tezligi esa 4 m/s. Velosipedchiga bog’langan sanoq sistemasida shamol tezligi qancha?
5. Metro eskalatori 0,75 m/s tezlik bilan harakatlanadi. Passajir sanoq sistemasida eskalatorning harakatlanish yo’nalishida 0,25 m/s tezlik bilan yurib borayotgan bo’lsa (sanoq sistemasi eskalator bilan bog’langan), u yerga nisbatan 20 m masofaga ko’chishi uchun ketadigan vaqtni aniqlang.
6. Ikki poezd bir-biriga tomon 72 km/soat va 54 km/soat tezlik bilan harakatlanmoqda. Birinchi poezddagi passajir ikkinchi poezd uning yonidan 14 s davomida o’tganligini aniqladi. Ikkinchi poezdning uzunligi qancha?
7. Tokarlik stanogi keskichining bo’ylama tezligi 12 sm/min, ko’ndalang tezligi 5 sm/min. Stanok korpusiga bog’langan sanoq sistemasida keskichning tezligi qanday?
8. Vertolyot shimol tomonga 20 m/s tezlik bilan uchdi. Agar g’arb tomondan 10 m/s tezlik bilan shamol essa, vertolyot qanday tezlik bilan va meridianga nisbatan qanday burchak ostida uchadi?
9. Kater daryoning bir qirg’og’idan ikkinchisiga o’tayotib daryoning oqimiga perpendikulyar ravishda suvga bog’langan sanoq sistemasida 4 m/s tezlik bilan harakatlanadi. Agar daryoning kengligi 800 m, oqimning tezligi 1 m/s bo’lsa, oqim katerni necha metrga surib ketadi?
10. Suvga bog’langan sanoq sistemasida tezligi 6 m/s bo’lgan motorli qayiq daryo orqali eng qisqa yo’ldan o’tishi lozim. Agar daryo oqimining tezligi 2 m/s bo’lsa, daryoning bir qirg’og’idan ikkinchi qirg’og’iga suzib o’tishi uchun qayiq qirg’oqqa nisbatan qanday yo’nalishda harakatlanishi lozim? Qayiqning yerga nisbatan tezligi qanday?
11. Vertolyot shamolsiz kunda aniq shimolga qarab 90 km/soat tezlik bilan harakatlanmoqda. Agar meridianga 45⁰ burchak ostida shimoli – g’arb tomondan shamol esadigan bo’lsa, vertolyotning tezligi va kursi qanday bo’lishini toping. Shamolning tezligi 10 m/s.