1. Xalıq bilimlendiriw sisteması haqqında túsinik O`zbekstan, Qaraqalpaqstan aymaqlarında xalıq bilimlendiriw sistemasınıń payda bolıwı hám rawajlanıwı

7. Oqıw baģdarlamaların tańlap alıw kóz qarasınıń birligi hám úylesikliligi. Jámiyetimizdiń baxıtlı búgini, erteńgi jarqın keleshegi esapqa alınıp bilimlendiriw túrleri hám basqıshları, olardaģı oqıwshılar menen studentlerdiń jas, jeke ózgesheliklerine qaray mámleketlik bilimlendiriw standartı tiykarında birden-bir hám tabaqalastırılģan oqıw jobaları, oqıw baģdarlamaları dúziledi hám tastıyıqlanadı, sabaqlıqlar, oqıw qollanbalar, shıģarıladı, kórsetpeli hám texnikalıq qurallar tayarlanadı. Pánlerge háptelik hám jıllıq saatlardıń sanı belgilenedi, pánler ara baylanıslar ornatıladı. Bul mámleketlik hújjetlerdiń buljıtpay orınlanıwı bir qálipte qadaģalanıp turıladı. Nátiyjede oqıwshı, student shaxsın hár tárepleme rawajlandırıwģa, úylesikli qáliplestiriwge qolaylı materiallıq jáne ruwxıy jaģdaylar jaratıladı.
8. Bilimdanlıqtı hám uqıplılıqtı xoshametlew. Bilimdan, uqıplı hám talantlı oqıwshılar, tudentler jámiyetimizdiń artıqmash baylıģı. Sonıń ushın olar materiallıq hám morallıq jaqtan xoshametlenip barıladı. Olarģa atamalı stipendiyalar, hár túrli maqtaw jarlıqları, materiallıq járdemler beriledi. Arnawlı oqıw túrleri, pánlerdi tereń úyreniw klassları, fakul`tativlik sabaqlar, joba boyınsha oqıwlar shólkemlestiriledi, sırttan oqıw orınları hám aralıqtan oqıtıw uyımlastırıladı. «U`mit», «Kamolot», «Uluģbek», «Ustaz» fondları hám basqa jollar arqalı dúńyanıń abıroylı oqıw orınlarına barıp bilim alıwģa, tájiriybe arttırıwģa hám bilimin jetilistiriwge jiberiledi.
9. Bilimlendiriw sistemasında mámleketlik hám jámiyet-lik basqarıwdıts baylanısı. Jámiyetimizde bilimlendiriw jumısları barģan sayın ulıwma xalıqlıq ádiwli iske aylanbaqta. Sonlıqtan bilimlendiriw sistemasın mámleketlik basqarıwdı jámiyetlik basqarıw menen muwapıqlastırıp júrgiziw tábiyiy jaģday. Endigiden bılay bilimlendiriw mákemelerin basqarıwģa keń jámiyetshilik, ata-analar, mákan-keńes, awıl puxaraları jıyınları belsene qatnastırıladı. Bilimlendiriw sistemasın mámleketlik basqarıwdıń qatar funktsiyaları kem-kemnen ózin-ózi basqarıw, jámiyetlik basqarıw uyımlarınıń funktsiyasına óte baslaydı, hár túrli jámiyetlik basqarıw uyımları shólkemlestiriledi. Nátiyjede bilimlendiriw sistemasın basqarıw, oqıw-tárbiya orınlarına basshılıq etiw, mámleketlik-jámiyetlik xarakterge iye boladı.

1 Каримов И.А. Екинши шақырық Өзбекстан Республикасы Олий мәжлисиниң Биринши сессиясындағы

2 Каримов И.А. Бухараның 2500 жыллығына бағышланған салтанатлы мәжлисте сөйлеген қутлықлаў сөзи. «Еркин Қарақалпақстан», 1997, 21-октябрь.

3 Тлеўмуратов М., Бердиев Ж. Қарақалпақстан тарийхы, Н. 1996, 76-бет.

4 Каримов И.А. Ахмед Аль-Фарғанийдин, естелигин ашыў мересиминде сөйлеген сөзи. «Еркин Қарақалпақстан», 1998, 27-октябрь.